ޚަބަރު
އެފްކޮންސްގެ މުވައްޒަފަކު ޒަހަމުތަކާއެކު މަރުވެފައި އޮއްވާ ފެނިއްޖެ
-
އައިޖީއެމްއެޗަށް ގެންދިޔައިރުވެސް މީހާ ވަނީ މަރުވެފައި
އެފްކޮންސްގެ މުވައްޒަފުންތަކެއް ބްރިޖުގެ މަސައްކަތް ކުރިއަށްދާ ސަރަހައްދުގައި / ފައިލް ފޮޓޯ: ޢަލީ ނަޞީރު، ޕީއެސްއެމް ނިއުސް
ތިލަމާލެ ބްރިޖުގެ މަސައްކަތް ކުރަމުންދާ، އެފްކޮންސްގެ މުވައްޒަފަކު ޒަޚަމުތަކާއެކު މަރުވެފައި އޮއްވާ ފެނިއްޖެއެވެ. މި މީހާ ފެނިފައިވަނީ ވިލިމާލޭގައި ބްރިޖުގެ މަސައްކަތް ކުރިއަށްދާ ސައިޓުންނެވެ.
ދިވެހި ފުލުހުންގެ ޚިދުމަތުން ވިދާޅުވީ ޒަޚަމުތަކާއެކު އޮތް މީހަކު އައިޖީއެމްއެޗްއަށް ގެންގޮސްފައިވާ ކަމަށް މިއަދުގެ ފަތިހުގެ ވަގުތެއްގައި ރިޕޯޓްކޮށްފައިވާ ކަމަށެވެ. ހޮސްޕިޓަލަށް ގެންދިޔައިރުވެސް އެ މީހާ މަރުވެފައިވާ ކަމަށް އައިޖީއެމްއެޗާ ހަވާލާދީ ފުލުހުން ވިދާޅުވިއެވެ.
ފުލުހުން ވިދާޅުވީ އެ މީހާއަކީ ތިލަމާލެ ބްރިޖުގެ މަސައްކަތް ކުރާ އެފްކޮންސްގެ މުވައްޒަފެއްކަން މިހާތަނަށް ބެލި ބެލުމުން އެނގިފައިވާ ކަމަށެވެ. ނަމަވެސް އިތުރު ތަފްޞީލެއް ދެއްވާފައެއްނުވެއެވެ.
މި މައްސަލަ ފުލުހުން ދަނީ އިތުރަށް ތަޙުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ