ޚަބަރު
އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރުނު މައްސަލައިގައި މީހަކު ހައްޔަރުކޮށްފި
-
ހައްޔަރުކޮށްފައިވަނީ 39 އަހަރުގެ ދިވެހި ފިރިހެނެއް
-
ފޭރުނު ވޮލެޓާއި ފޯނު ވަނީ ފުލުހުން ހޯދާފައި
އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރުނު މައްސަލައިގައި ހައްޔަރުކުރި މީހާ / ފޮޓޯ: ދިވެހި ފުލުހުންގެ ޚިދުމަތް
އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރުނު މައްސަލައިގައި މީހަކު ހައްޔަރުކޮށްފިއެވެ.
ދިވެހި ފުލުހުންގެ ޚިދުމަތުން ވިދާޅުވީ މިދިޔަ ބުދަ ދުވަހުގެ ހެނދުނުގެ ވަގުތެއްގައި ލޮނު ޒިޔާރަތް މަގުން ސައިކަލެއްގައި ދިޔަ އަންހެނެއްގެ އަތުން ވޮލެޓަކާއި މޯބައިލް ފޯނެއް ފޭރުނު މައްސަލައިގައި ރ. އަލިފުށި، ހަބީބީހެޕް، އުމުރުން 39 އަހަރުގެ އިސްމާޢިލް ސާއިފް ހައްޔަރުކޮށްފައިވާ ކަމަށެވެ.
އަންހެން މީހާގެ އަތުން ވޮލެޓަކާއި މޯބައިލް ފޯނު ފޭރިގަނެފައިވަނީ ސައިކަލެއްގައި ދަމުން ކަމަށެވެ. ސާއިފް ދުއްވި ސައިކަލަކީ ވަގަށް ނަގާފައިވާ ސައިކަލެއް ކަމަށާއި ފޭރުނު ވޮލެޓާއި ފޯނު މިހާރު ހޯދާފައިވާކަމަށާއި ސައިކަލުވެސް ފުލުހުންގެ ބެލެމުގެ ދަށަށް ގެންގޮސްފައިވާކަމަށް ފުލުހުން ވިދާޅުވިއެވެ.
މި މައްސަލަ ފުލުހުންދަނީ ތަޙުޤީޤު ކުރަމުންނެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ