ދުވާފަރު ނެރު ފުންކުރުމުގެ މަސައްކަތް ފަށަނީ

ރ. ދުވާފަރު ނެރު ފުންކުރުމުގެ މަސައްކަތް ވަރަށް އަވަހަށް ފަށާނެކަމުގެ ޔަޤީންކަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮންޕެނީ، އެމްޓީސީސީއިން ދެއްވާފައިވާކަމަށް ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ.

ސޯޝަލް މީޑިޔާގައި ޙިއްސާކުރެއްވި ޕޯސްޓެއްގައި ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާބެހޭ ވަޒީރު އާދަމް ޝަރީފް ޢުމަރު ވިދާޅުވީ، ދުވާފަރުގެ ނެރު ތިލަވުމުގެ ސަބަބުން އެރަށުގައި ލަފާ ފުރުމުގެ ދަތިކަން ވަރަށް ބޮޑަށް އެބައޮތް ކަމަށެވެ. އެހެންކަމުން އެކަން ޙައްލުކުރުމަށް ސަރުކާރުން މަސައްކަތްތަކެއްކުރަމުންދާކަމަށް ވަޒީރު ވިދާޅުވިއެވެ. އެގޮތުން ދުވާފަރުގެ ނެރު ފުން ކުރުމަށް އެމްޓީސީސީއާއެކު މަޝްވަރާކޮށްފައިވާކަން ވަޒީރު ފާހަގަކުރެއްވިއެވެ.

ވަޒީރު އާދަމް ޝަރީފް ވިދާޅުވީ، މި މަޝްވަރާތަކުގެ ތެރެއިން ދުވާފަރުގެ ނެރު ފުން ކުރުމުގެ މަސައްކަތް ވަރަށް އަވަހަށް ފެށޭނެކަމުގެ ޔަޤީންކަން، އެމްޓީސީސީގެ މެނޭޖިން ޑިރެކްޓަރ އަޙްމަދު ސަޢުދު ދެއްވާފައިވާ ކަމަށެވެ.

Dhuvaafaru neru thilavumuge sababun lafaafuran dhathivefaivaa massala hallu kurumah sarukaaruge faraathun @MoCLPmv in midhanee @MTCCPlc aaieku varah bodah masakkaiy kuramun.
Varah avahah e masakkaiy fesheynekamuge yaqeenkan MTCC ge MD Ahmed Saudhee @CEOMTCC vanee mirey… pic.twitter.com/rYgCfr8dQe

— Adam Shareef Umar (@Adamshareefz) September 11, 2024

ރ. ދުވާފަރު ކައުންސިލުން ވިދާޅުވީ، އެ ރަށުގެ ނެރު ތިލަވުމުގެ ސަބަބުން މިމަހުގެ ތެރޭގައި 7 ބޯޓު ފަރަށް އަރާފައިވާ ކަމަށެވެ. މިހާރު ސަރުކާރުން މިވަނީ ދުވާފަރު ނެރު ފުން ކުރުމުގެ މަސައްކަތް ވަރަށް އަވަހަށް ފަށާނެކަމުގެ ޔަޤީންކަން ދެއްވާފައެވެ.