ހުޅުމާލޭގައި ނުރައްކާތެރި އެކްސިޑެންޓެއް؛ އެކަކުގެ ޙާލު ސީރިއަސް

މިއަދު ހެނދުނު ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި މީހަކަށް ސީރިއަސް އަނިޔާތަކެއް ލިބިފައިވާ ދިވެހި ފުލުހުންގެ ޚިދުމަތުން ބުނެފިއެވެ.

ދިވެހި ފުލުހުންގެ ޚިދުމަތުން ބުނީ މިއަދު ހެނދުނު 6:50 ހާއިރު ހުޅުމާލޭގެ ދެވަނަ ފިޔަވަހީގައި ސައިކަލަކާއި ކާރެއްޖެހި ހިނގިު އެކްސިޑެންޓެއް ފުލުހުންނަށް ރިޕޯޓުކޮށްފައިވާ ކަމަށެވެ. އަދި މި އެކްސިޑެންޓްގައި ސައިކަލު ދުއްވަންއިން މީހާއަށް ސީރިއަސް އަނިޔާތަކެއް ވެފައިވާކަމަށާއި، އޭނާއަށް ހުޅުމާލެ ހޮސްޕިޓަލްގައި ފަރުވާދެމުންދާކަމަށްވެސް ފުލުހުން ވިދާޅުވިއެވެ.

ފުލުހުން ވިދާޅުވީ މި އެކްސިޑެންޓްގެ ތަޙުޤީޤު ކުރަމުންދާކަމަށެވެ.

ނުރައްކާތެރި އެކްސިޑެންޓްތައް އިތުރުވަމުންދާއިރު މިދިޔަ ބުރާސްފަތި ދުވަހުގެ ރޭ ދަންވަރު މާލޭގައި ހިނގި އެކްސިޑެންޓެއްގައި 23 އަހަރުގެ ޒުވާނަކު ވަނީ ނިޔާވެފައެވެ.