އައްޑޫގެ ގެސްޓް ހައުސްތަކަށް އަންނަ ފަތުރުވެރިންނަށް ޚާއްސަ ބީޗެއް ތަރައްޤީކުރަނީ

އައްޑޫ ސިޓީގެ ގެސްޓް ހައުސްތަކަށް އަންނަ ފަތުރުވެރިންނަށް ޚާއްސަ ބީޗެއް ތަރައްޤީކުރުމުގެ މަސައްކަތް ވަރަށް އަވަހަށް ނިމިގެންދާނެ ކަމަށް އައްޑޫ ސިޓީ ކައުންސިލުން ހާމަކޮށްފިއެވެ.

މި ބީޗު ތަރައްޤީކުރަނީ އައްޑޫ ސިޓީ ފޭދޫ ދިގިހެރެ ސަރަޙައްދުގައެވެ.

މި ބީޗަކީ އައްޑޫ ސިޓީގެ ފަތުރުވެރިކަމުގެ ސިނާއަތް ކުރިއެރުވުމަށްޓަކައި ޤާއިމްކުރާ ބީޗެއް ކަމަށާއި މި ބީޗުގެ މަސައްކަތް ވަރަށް އަވަހަށް ނިމިގެންދާނެ ކަމަށް ކައުންސިލުން ވިދާޅުވިއެވެ.

އައްޑޫ ސިޓީ ކައުންސިލުން ވިދާޅުވީ، މި ބީޗް ތަރައްޤީކުރަނީ އައްޑޫގެ ގެސްޓް ހައުސްތަކަށް އަންނަ ފަތުރުވެރިންނަށް ޚާއްސަ ބީޗްއެއްގެ ގޮތުގައިކަމަށެވެ. އައްޑޫގައި ގެސްޓުހައުސްތައް ތަރައްޤީކުރުމުންދާއިރު، ފަތުރުވެރިންނަށް ޚާއްސަ ބީޗެއް ނޯވެއެވެ.

އައްޑޫސިޓީ ކައުންސިލްއިން އައްޑޫސިޓީގެ ފަތުރުވެރިކަމުގެ ސިނާޔަތް ކުރިއެރުމަށްޓަކައި ފޭދޫ ދިގިހެރެ ސަރަހައްދުގައި ގާއިމް ކުރާ ޓުއަރިސްޓް ބީޗްގެ މަސައްކަތް ވަރަށް އަވަހަށް ނިމިގެން ދާނެ. 1/2 pic.twitter.com/3PsjZM2QMS

— Addu City Council (@AdduCityCouncil) September 3, 2024

އައްޑުއަކީ 3 ރިސޯޓްގެ އިތުރުން ގެސްޓްހައުސްތަކެއް ހިންގަމުން އަންނަ ސިޓީއެކެވެ. އަދި އައްޑޫގައި ޓޫރިޒަމް ތަރައްޤީކޮށް ފުޅާކުރަން ތަފާތު ޕްރޮޖެކްޓްތައް ރޭވިފައި އެބަހުއްޓެވެ. އޭގެ ތެރޭގައި އައްޑޫގެ ޓޫރިޒަމް ޒޯންތަކާއި، ލޯކަލް ޓޫރިޒަމް ފުޅާކުރުމާއި ހަންކެޑެ އިންޓަގްރޭޓެޑް ޓޫރިޒަމް މަޝްރޫޢު ހިމެނެއެވެ.

މީގެއިތުރުން އައްޑޫން ހިއްކާފައިވާ 3 ރަށެއްގައި ޓޫރިޒަމްގެ ޕްރޮޖެކްޓްތަކެއް ހިންގުމުގެ އިތުރުން އައްސޭރި ޓޫރިޒަމް ޕްރޮޖެކްޓެއްވެސް އެ ސިޓީގައި ހިންގުމަށް ވަނީ ރާވާފައެވެ.