ސިނަމާލެ ބުރިޖަކީ ރާއްޖެ-ޗައިނާގެ ވިސްނުން އެއްގޮތްކަން ދައްކުވައިދޭ ރަމްޒެއް: ރައީސް

ސިނަމާލެ ބުރިޖު ރަމްޒުކޮށްދެނީ ރާއްޖެއާއި ޗައިނާއާ ދެމެދު އޮތް ގާތްގުޅުންކަމަށާއި، އެއީތަރައްޤީގައިވެސް ދެ ޤައުމުގެ ވިސްނުން އެއްގޮތްކަން ދައްކުވައިދޭ ބިނާއެއްކަމަށް ރައީސުލްޖުމްހުރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، ސިނަމާލެ ބުރިޖު ނުވަތަ ޗައިނާ – މޯލްޑިވްސް ފްރެންޑްޝިޕް ބުރިޖަށް 6 އަހަރު ފުރުމުން ސޯޝަލް މީޑިއާގައި ކުރެއްވި ޕޯސްޓެއްގައެވެ.

ސިނަމާލެ ބްރިޖު ތަރައްޤީކުރުމުގައި އެންމެ އިސް ދައުރެއް އަދާކުރެއްވީ އޭރުގެ ހައުސިން މިނިސްޓަރ އަދި މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. ބްރިޖު ހުޅުވިތާ 6 އަހަރު ފުރުން ފާހަގަކުރައްވާ ރައީސުލްޖުމްހޫރިއްޔާ ކުރެއްވި ޕޯސްޓެއްގައި ވިދާޅުވީ މި ބުރިޖަކީ އިންޖީނިއަރިންގެ ދާއިރާއިންވެސް ފާހަގަކޮށްލެވޭ މަސައްކަތެއް ކަމަށާއި، ރަށްތައް ގުޅާލުމުގެ އިތުރުން މިއީ ދެ ޤައުމެއްގެ ގާތް ގުޅުމާއި ރަހުމަތްތެރިކަމުގެ ރަމްޒެއް ކަމަށެވެ.

ރައީސުލްޖުމްހޫރިއްޔާ ވަނީ މިއީ އެއްބައިވަންތަކަމާއި ތަރައްޤީގައިވެސް ދެ ޤައުމުގެ ވިސްނުން އެއްގޮތްކަން ދައްކުވައިދޭ ބިނާއެއްކަމަށް ސިފަކުރައްވާފައެވެ. އަދި އަންނަ އޮތް ޖީލުތަކަށްވެސް ސިނަމާލެ ބުރިޖަކީ ޗައިނާއާއި ރާއްޖެއާއި ދެމެދު އޮތް ވަރުގަދަ ގުޅުން ދައްކާދޭނެ އަލި ގަދަ ރަމްޒެއްކަމަށް ރައީސުލްޖުމްހޫރިއްޔާ ވިދާޅުވިއެވެ.

Today, we proudly celebrate the 6th anniversary of the China-Maldives Friendship Bridge, inaugurated on 30th August 2018. This remarkable feat of engineering not only connects our islands but also symbolizes the enduring partnership and mutual trust between our two great nations.… pic.twitter.com/CVCszOFd1O

— Dr Mohamed Muizzu (@MMuizzu) August 30, 2024

ސިނަމާލެ ބުރިޖަށް 6 އަހަރު ފުރުމާއި ގުޅިގެން ޢިމާރާތްކުރުމާއި ބިނާރާބެހޭ ވަޒީރު ޑރ.ޢަބްދުﷲ މުއްޠަލިބް އެކްސްގައި ކުރެއްވި ޕޯސްޓެއްގައި ވިދާޅުވީ ދިވެހިންގެ ދިރިއުޅުމަށްވެސް މި ބުރިޖާއެކު އިންގިލާބީ ބަދަލުތަކެއް އައިސްފައިވާ ކަމަށެވެ.

މިއީ ރާއްޖޭގައިވެސް މިފަދަ ބުރިޖެއް އެޅިދާނެ ކަމުގެ ހެއްކެއް ކަމަށާއި، މިއީ ޤައުމަށް އިތުރު ކުރިއެރުންތައް ގެނައުމަށް ކޮށިގެންދިޔަ މަގެއްކަމަށް ވަޒީރު ވިދާޅުވިއެވެ. އަދި މިއީ ރާއްޖޭގައި އެޅި ފުރަތަމަ ބުރިޖުކަން ފާހަގަކުރައްވާ ވަޒީރު ވިދާޅުވީ މިއީ ޗައިނާ އާއި ރާއްޖެއާއި އޮތް ގާތް ގުޅުން ދައްކާދޭ ދިގުދެމިގެންދާ ރަމްޒެއް ކަމަށެވެ.

މި ބުރިޖުގެ މަސައްކަތް ނިމިގެންދިޔައީ ކަނޑައެޅި ތާރީޚަށްވުރެ އަވަހަށް ކަމަށާއި، މިއީ އޭރުގެ ހައުސިން މިނިސްޓަރ އަދި މިހާރުގެ ރައީސުލްޖުމްހުރިއްޔާ ޑރ. މުޙަައްމަދު މުޢިއްޒުގެ ހަރުދަނާ ލީޑަރޝިޕް ދައްކުވައިދޭ ކަމެއްކަމަށްވެސް މުއްޠަލިބު ވިދާޅުވިއެވެ.

Today marks the 6th anniversary of the inauguration of the China-Maldives Friendship Bridge (Sinamale’ Bridge), a transformative project that has profoundly impacted the lives of Maldivians and greatly enhanced the nation’s economic development. Realized through the generous… pic.twitter.com/RrHjwgq0Ci

— Abdulla Muththalib (@muththo) August 30, 2024

ދިވެހިންގެ ލޯތައް ތަރައްޤީގެ އައު ކުލަވަރުތަކަކަށް ހުޅުވާލަދިން ބްރިޖުގެ މަޝްރޫޢުއަކީ، އިންޖިނިއަރިންގެ ދާއިރާއިން ރާއްޖޭގައި ކޮށްފައިވާ އެންމެ ތަފާތު އަދި އެންމެ ބިޔަ މަސައްކަތެވެ.

ދިގުމިނުގައި 1.3 ކިލޯމީޓަރު އަދި ފުޅާމިނުގައި 20.3 މީޓަރު ހުންނަ މި ބްރިޖުގެ މަސައްކަތް އެއްކޮށް ނިންމާ، ބްރިޖު ރަސްމީކޮށް ހުޅުވީ 2018 އޯގަސްޓް މަހުގެ 30 ވަނަ ދުވަހުގައެވެ.

ޗައިނާގެ ސީ.ސީ.ސީ.ސީ ސެކަންޑްހާބަރ އިންޖިނިއަރިން ކުންފުންޏާއި ހަވާލުކޮށްގެން ކުރިއަށްގެންދިޔަ މި މަޝްރޫޢުގެ މަސައްކަތް އެއްކޮށް ނިންމާ ބްރިޖު ހުޅުވާފައި ވަނީ މި މަސައްކަތް ނިންމުމަށް ކަނޑައަޅާފައިވާ ތާރީޙަށްވުރެ، 25 ދުވަސް ކުރިންނެވެ.