ރާއްޖޭގެ އުތުރާއި ދެކުނުގައި ތެޔޮ ރައްކާކުރާ ސްޓޯރޭޖް ފެސިލިޓީތައް ޤާއިމްކުރުމަށް ނިންމާފައިވާ ކަމަށް އެސްޓީއޯގެ މެނޭޖިންގ ޑިރެކްޓަރ އަޙުމަދު ޝަހީރު ވިދާޅުވެއްޖެއެެވެ.
ނޫސްވެރިންނަށް މަޢުލޫމާތުދެއްވަމުން ޝަހީރު ވިދާޅުވީ އެކަމަށްޓަކައި ބޭނުންވާ ބިން ހޯދުމުގެ މަސައްކަތާއި ތެޔޮ ރައްކާކުރުމަށް ބޭނުންވާ ޓޭންކް ޑިޒައިން ކުރުމުގެ މަސައްކަތް ފެށިފައިވާ ކަމަށެވެ. އަދި ދެކުނުގެ ނޫނީ އުތުރގެ ކޮންމެވެސް ރަށެއްގައި މިއަހަރުގެ ތެރޭގައި ތެޔޮ ރައްކާކުރާ ފެސިލިޓީއެއް ޤާއިމުކުރެވިގެންދާނެ ކަމަށް ޝަހީރު ވިދާޅުވިއެވެ.
ކ އަތޮޅު ފުނަދޫގައި ހުންނަ އެސް.ޓީ.އޯގެ ތެޔޮ ރައްކާކުރާ ނިޒާމް ބޮޑު ކުރުމަށް ކުރަމުންދާ މަސައްކަތަކާއި ގުޅޭގޮތުން މައުލޫމާތުދެއްވަމުން ޝަހީރު ވިދާޅުވީ އެ މަސައްކަތް މިއަހަރުގެ ތެރޭ ނިންމޭނެ ކަމާއި މަސައްކަތް ނިމުމުން ފުނަދޫގައި ޖުމްލަ 48،000 ޓަނުގެ ތެޔޮ އެއްފަހަރާ ރައްކާކުރުމުގެ ގާބިލުކަން ލިބިގެންދާނެ ކަމަށެވެ. މިހާރު ފުނަދޫގައި އެއްފަހަރާއި ރައްކާކުރެވެނީ 24000 ޓަނުގެ ތެލެވެ.