ބީއެމްއެލްގެ ބުރާންޗްތަކުން މިއަދު ޚިދުމަތް ދޭނެ
-
އާއްމު ދުވަސްތަކުގައި ޚިދުމަތް ދެމުންދާ ގަޑިތަކުގައި ބޭންކުން މިއަދުވެސް ޚިދުމަތްދެމުންދާނެ
-
މިއަދަކީ ރަސްމީ ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާވަނީ ހަމަޖައްސަވާފައި
މިއަދަކީ ރަސްމީ ބަންދުދުވަހެއް ނަމަވެސް، ބޭންކް އޮފް މޯލްޑިވްސް، ބީއެމްއެލްގެ ބުރާންޗްތަކާއި ސަރވިސް ސެންޓަރުތަކުން ޚިދުމަތް ދޭނެ ކަމަށް އެބޭންކުން ހާމަކޮށްފިއެވެ.
ބީއެމްއެލްއިން ބުނީ އާއްމު ދުވަސްތަކުގައިވެސް ބޭންކުން ޚިދުމަތް ދެމުންދާ ގަޑިތަކުގައި މިއަދުވެސް ޚިދުމަތްދެމުންދާނެ ކަމަށެވެ.
ރާއްޖެއަށް މިހާރު ކުރަމުންދާ ވިއްސާރައާ ގުޅިގެން މިއަދަކީ ރަސްމީ ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާވަނީ ހަމަޖައްސަވާފައެވެ. އެގޮތުން ސްކޫލްތަކުގެ ކިޔެވުން ނޯންނާނެކަމަށާއި، އަދި ސަރުކާރުގެ އޮފީސްތައްވެސް ބަންދުވާނެކަމަށްވަނީ ވިދާޅުވެފައެވެ.
މިއަދަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ހަމަޖެއްސެވީ، ރާއްޖޭގެ ވަރަށް ގިނަ ރަށްތަކަށް ބޯކޮށް ވާރޭވެހި މޫސުން ގޯސްވުމުގެ ސަބަބުން، ކިޔަވާ ކުދިންނާ ވަޒީފާ އަދާކުރާ ފަރާތްތަކަށްވެސް ދަތުރުފަތުރުކުރުމާ ހިނގާބިނގާވާން ދަތިވުމާއި ގުޅިގެން ދެއްވާ ލުޔެއްގެ ގޮތުގައެވެ.