އިންޑިއާގެ ޚާރިޖީ ވަޒީރު ރާއްޖެއަށް ކުރެއްވި ދަތުރުފުޅު ނިންމަވާލައްވައިފި
-
ދެޤައުމުގެ ދެމެދު މުހިންމު މަޝްވަރާތައް ކުރެއްވި
-
ނިމިފައިވާ މަޝްރޫޢުތައް ދިވެހި ސަރުކާރާ ޙަވާލުކުރެއްވި
އިންޑިއާގެ ޚާރިޖީ ވަޒީރު ޑރ. ސްބްރަމާނިއަމް ޖަޔަޝަންކަރު ރާއްޖެއަށް ކުރެއްވި ތިން ދުވަހުގެ ރަސްމީ ދަތުރުފުޅު ނިންމަވާލައްވައިފިއެވެ. އިންޑިއާގެ ޚާރިޖީ ދަތުރުފުޅު ނިންމަވާލެއްވީ އައްޑޫ ސީޓީއަށް ވަޑައިގަތުމަށްފަހުއެވެ. އެމަނިކުފާނަށް ގަން އިންޓަރނޭޝަނަލް އެއަރޕޯޓުން އަލްވަދާޢު ވިދާޅުވީ، ރާއްޖޭގެ ޚާރިޖީ ވަޒީރު މޫސާ ޒަމީރެވެ.
އިންޑިއާގެ ޚާރިޖީ ވަޒީރު ރާއްޖެއަށް ކުރެއްވި ދަތުރުފުޅުގައި ވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަރިހަށް އިޙްތިރާމްގެ ޒިޔާރަތެއް ކުރައްވާ ދެޤައުމުގެ ގުޅުން ބަދަހިކުރެއްވުމަށް މަޝްވަރާކުރައްވާފައެވެ.
މި ބައްދަލުކުރެއްވުމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވަނީ، ދެޤައުމުގެ ދެމެދުގައި އޮތް ގާތް އަދި ތާރީޚީ ގުޅުމުގެ މައްޗަށް އަލިއަޅުއްވާލައްވައި، މި ގުޅުން އިތުރަށް ބަދަހިކުރެއްވުމަށް ސަރުކާރުން މަސައްކަތްކުރައްވާނެކަމުގެ ޔަޤީންކަން ދެއްވައިފައިވެއެވެ.
މިބައްދަލުކުރެއްވުމުގައި ރައީސުލްޖުމްހޫރިއްޔާއާއި އިންޑިއާގެ ޚާރިޖީ ވަޒީރު ވަނީ މިހާރު ހިނގަމުންދާ މަޝްރޫޢުތައް ކުރިއަށްގެންދިއުމާއި، ކުރިއަށް އޮތްތަނުގައި ގުޅުން ބަދަހިކުރެވިދާނެ އެކިއެކި ދާއިރާތަކާ ބެހޭގޮތުން މަޝްވަރާކުރައްވާފައެވެ. އެގޮތުން އިޤްތިޞާދީ ދާއިރާ، ބޯހިޔާވަހިކަން، ދިފާއީ ދާއިރާ، ފަތުރުވެރިކަމުގެ ދާއިރާ، އުމްރާނީ ތަރައްޤީއާއި އަދި ޤާބިލުކަން އިތުރުކުރުމަށް މަޝްވަރާކުރެއްވިއެވެ.
އިންޑިއާގެ ޚާރިޖީ ވަޒީރުގެ ދަތުރުފުޅުގައި ވަނީ އިންޑިއާގެ އެގްޒިމް ބޭންކްގެ ލައިން އޮފް ކްރެޑިޓް ފެސިލިޓީގެ ދަށުން 28 ރަށެއްގައި ފެނާއި ނަރުދަމާ ނިޒާމު ޤާއިމުކޮށް ނިންމައި، އެ މަޝްރޫޢުތައް ދިވެހި ސަރުކާރާ ޙަވާލުކުރައްވާފައެވެ. އަދި އައްޑޫ ސިޓީގައި ކުރިއަށްގެންދިޔަ ބިން ހިއްކުމާއި، ގޮނޑުދޮށް ހިމާޔަތްކުރުމާއި، 4 ލޭން ޑީޓުއަރ ލިންކް މަގު ހެދުމުގެ މަސައްކަތްވެސް ނިންމާ ދިވެހި ސަރުކާރާ ހަވާލުކޮށްފައެވެ.
މީގެ އިތުރުން ރާއްޖޭގެ ޚާރިޖީ ވަޒީރު މޫސާ ޒަމީރާއި، ދިފާޢީ ވަޒީރު މުޙައްމަދު ޣައްސާން މައުމޫނާވެސް ބައްދަލުކުރައްވާ މަޝްވަރާކުރައްވާފައެވެ. އަދި އިޤްތިސާދީ ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު، މާލީ ވަޒީރު ޑރ. މުހައްމަދު ޝަފީޤް އަދި މޯލްޑިވްސް މަނިޓަރީ އޮތޯރިޓީގެ ގަވަރުނަރު އަހުމަދު މުނައްވަރާ ބައްދަލުކުރައްވާ ރާއްޖެއާއި އިންޑިއާއާ ދެމެދު އިޤްތިޞާދީ ގުޅުން އިތުރަށް ބަދަހިކުރުމާއި ގުޅޭގޮތުންވެސް މަޝްވަރާކުރައްވާފައެވެ.
Minister of External Affairs, @DrSJaishankar departs #Maldives after concluding a productive three-day Official Visit. EAM Dr. Jaishankar visited Maldives from 9-11 August 2024, on an invitation by Foreign Minister @MoosaZameer pic.twitter.com/AEyrIwp03l
— Ministry of Foreign Affairs 🇲🇻 (@MoFAmv) August 11, 2024
މިބައްދަލުކުރެއްވުމުގައި ރައީސުލްޖުމްހޫރިއްޔާއާއި އިންޑިއާގެ ޚާރިޖީ ވަޒީރު ވަނީ މިހާރު ހިނގަމުންދާ މަޝްރޫޢުތައް ކުރިއަށްގެންދިއުމާއި، ކުރިއަށް އޮތްތަނުގައި ގުޅުން ބަދަހިކުރެވިދާނެ އެކިއެކި ދާއިރާތަކާ ބެހޭގޮތުން މަޝްވަރާކުރައްވާފައެވެ. އެގޮތުން އިޤްތިޞާދީ ދާއިރާ، ބޯހިޔާވަހިކަން، ދިފާއީ ދާއިރާ، ފަތުރުވެރިކަމުގެ ދާއިރާ، އުމްރާނީ ތަރައްޤީއާއި އަދި ޤާބިލުކަން އިތުރުކުރުމަށް މަޝްވަރާކުރެއްވިއެވެ.
އިންޑިއާގެ ޚާރިޖީ ވަޒީރުގެ ދަތުރުފުޅުގައި ވަނީ އިންޑިއާގެ އެގްޒިމް ބޭންކްގެ ލައިން އޮފް ކްރެޑިޓް ފެސިލިޓީގެ ދަށުން 28 ރަށެއްގައި ފެނާއި ނަރުދަމާ ނިޒާމު ޤާއިމުކޮށް ނިންމައި، އެ މަޝްރޫޢުތައް ދިވެހި ސަރުކާރާ ޙަވާލުކުރައްވާފައެވެ. އަދި އައްޑޫ ސިޓީގައި ކުރިއަށްގެންދިޔަ ބިން ހިއްކުމާއި، ގޮނޑުދޮށް ހިމާޔަތްކުރުމާއި، 4 ލޭން ޑީޓުއަރ ލިންކް މަގު ހެދުމުގެ މަސައްކަތްވެސް ނިންމާ ދިވެހި ސަރުކާރާ ހަވާލުކޮށްފައެވެ.
މީގެ އިތުރުން ރާއްޖޭގެ ޚާރިޖީ ވަޒީރު މޫސާ ޒަމީރާއި، ދިފާޢީ ވަޒީރު މުޙައްމަދު ޣައްސާން މައުމޫނާވެސް ބައްދަލުކުރައްވާ މަޝްވަރާކުރައްވާފައެވެ. އަދި އިޤްތިސާދީ ތަރައްޤީއާއި ވިޔަފާރިއާބެހޭ ވަޒީރު މުޙައްމަދު ސަޢީދު، މާލީ ވަޒީރު ޑރ. މުހައްމަދު ޝަފީޤް އަދި މޯލްޑިވްސް މަނިޓަރީ އޮތޯރިޓީގެ ގަވަރުނަރު އަހުމަދު މުނައްވަރާ ބައްދަލުކުރައްވާ ރާއްޖެއާއި އިންޑިއާއާ ދެމެދު އިޤްތިޞާދީ ގުޅުން އިތުރަށް ބަދަހިކުރުމާއި ގުޅޭގޮތުންވެސް މަޝްވަރާކުރައްވާފައެވެ.