މަސްތުވާތަކެތީގެ އޮޕަރޭޝަނެއްގައި 3 މީހަކު ހައްޔަރުކޮށްފި

ވ. އަތޮޅު ބޮޑު މޮހޮރާގައި ދިވެހި ފުލުހުންގެ ޚިދުމަތުން ކުރިއަށްގެންދިޔަ މަސްތުވާތަކެތީގެ އޮޕަރޭޝަނެއްގައި 3 މީހަކު ހައްޔަރުކޮށްފިއެވެ.

ދިވެހި ފުލުހުންގެ ޚިދުމަތުން ވިދާޅުވީ، ބޮޑު މޮހޮރާގައި ބަނގުރާ ގެންގުޅެ ވިއްކާކަމަށް ލިބުނު މަޢުލޫމާތަކާ ގުޅިގެން ދިވެހި ފުލުހުންގެ ޑްރަޖް އެންފޯސްމެންޓާއި އިންޓަލެޖެންސް އަދި ވ. އަތޮޅު ފުލުހުން ގުޅިގެން މިއަދު ހިންގި އޮޕަރޭޝަނެއްގައި 3 މީހުން ހައްޔަރުކޮށްފައިވާ ކަމަށެވެ.

މި އޮޕަރޭޝަންގައި ހައްޔަރުކުރި 3 މީހުންނަކީ:

• ކ. މާލެ / މ.ލަކް ގާޑަން، އަޙްމަދު އަޝްރަފް (43 އަހަރު)
• ގދ. ތިނަދޫ / ބްލޫ ހެވަން އޭޖް، އަމްޖަދު މުޙައްމަދު (50 އަހަރު)
• ސްރީ ލަންކާގެ ރައްޔިތެއްކަމަށްވާ، ނަލިން އިންޑިކާ ކޮޑިކަރާ (53 އަހަރު)

ފުލުހުން ވިދާޅުވީ، ފުލުހުން އެރަށަށް ގޮސް، ބަލައި ފާސްކުރިއިރު، 24 ބަނގުރާ ފުޅި ފެނިފައިވާ ކަމަށެވެ. އަދި މި މުއްސަލަ ތަޙުޤީޤުކުރަމުންދާކަމުގައިވެސް ފުލުހުން ވިދާޅުވިއެވެ.