ބިލެތްދޫ ކައުންސިލްގެ ރައީސް ގޮނޑި ޕީއެންސީގެ އަރީޙްއަށް

ބިލެތްދޫ ކައުންސިލްގެ ރައީސްގެ ގޮނޑި ޕީއެންސީގެ ކެންޑިޑޭޓް އަރީޙް އިސްމާޢީލް ކާމިޔާބުކޮށްފިއެވެ. އޭނާ މި އިންތިޚާބު ކާމިޔާބުކުރީ އެމްޑީޕީގެ ކެންޑިޑޭޓް ޝާއިލް މާހިރުއާއި ވާދަކޮށްގެން ކުރި ހޮއްދަވައިގެންނެވެ.

ބިލެތްދޫ ކައުންސިލްގެ ރައީސްގެ ގޮނޑި ހުސްވީ ކުރިން އެ މަޤާމުގައި ހުންނެވި އަޙްމަދު އަސްލަމް ބިލެތްދޫ ދާއިރާގެ މަޖިލިސް ގޮނޑި ކާމިޔާބުކުރައްވާ މެންބަރުކަމަށް އިންތިޚާބުވެވަޑައިގަތުމާއި ގުޅިގެންނެވެ.

މިއަދު 6 ކައުންސިލެއްގެ ބައި އިލެކްޝަން ބޭއްވިއެވެ. އޭގެތެރެއިން ގިނަ ކައުންސިލްތަކުގައި އިންތިޚާބު ބާއްވަންޖެހުނީ ކައުންސިލް މެންބަރުކަމުގައި ތިެއްބެވި ގިނަ މެންބަރުން މަޖިލީހުގެ އިންތިޚާބު ކާމިޔާބު ކުރެއްވުމާއި ގުޅިގެންނެވެ.

މިއަދު ބޭއްވި ބައި އިލެކްޝަންގެ ތެރެއިން މާލެ ސިޓީ އަދި ކުޅުދުއްފުށި ސިޓީގެ ހުރިހާ ގޮނޑިއެއްވެސް ކާމިޔާބުކުރީ ޕީއެންސީގެ ކެންޑިޑޭޓުންނެވެ.