މަސްވެރިކަން ދަށްވެ، މިފްކޯގެ ފިހާރަތަކުން ކަނޑު މަހުގެ ބާވަތްތައް ހުސްވެއްޖެ
-
މިފްކޯއަށް ކިރާ މަހުގެ އަދަދުވެސް މިދުވަސްވަރުވަނީ ދަށްވެފައި
-
ކަންނެލި މަހުގެ އުފެއްދުންތައް ކުރިއެކޭ އެއްގޮތަށް ލިބެން ހުންނާނެ
-
ދަޅުމަސްވެސް ލިމިޓެއް ނެތި ލިބެން ހުންނާނެ ކަމަށް ބުނެފައިވޭ
ރާއްޖެއަށް މަސްވެރިކަން ދަށްވެ، މިފްކޯގެ މަސްފިހާރަތަކުން ކަނޑުގެ މަހުގެ ބާވަތްތައް ހުސްވެއްޖެވެއެވެ.
މިފްކޯއިން ބުނީ މިފްކޯ މަސް ފިހާރަތަކުން ކަނޑުމަހުގެ ބާވަތްތައް ހުސްވެގެން ޝަކުވާ ލިބެމުންދާ ކަމަށެވެ. އަދި މިފްކޯގެ މަސްފިހާރަތަކުން ކަނޑު މަހުގެ ބާވަތްތައް މިދުވަސްވަރު ހުސްވެފައިވަނީ ރާއްޖޭގައި މަސްވެރިކަން ދަށްވެ، ކިރާ މަހުގެ އަދަދުވެސް މިދުވަސްވަރު ދަށްވުމުން ކަމަށެވެ.
މިދުވަސްވަރު މިފްކޯއަށް މަސް ކިރާ މިންވަރު ދަށްވެފައިވީ ނަމަވެސް، ދަޅުމަސް ވިއްކުމުގައި އެއްވެސް ލިމިޓެއް ނުގެންގުޅޭ ކަމަށް އެކުންފުނިން ހާމަކުރެއެވެ.
މިފްކޯއިން ބުނީ އެކުންފުނީގެ ފިހާރަތަކުން މި ދުވަސްވަރު، ކަންނެލި މަހުގެ އުފެއްދުންތައް ކުރިއެކޭ އެއްގޮތަށް ލިބެން ހުންނާނެކަމަށެވެ.
އަދި ރާއްޖެއަށް މަސްވެރިކަން ރަނގަޅުވުމާއެކު ފިހާރަތަކުން ކުރިން ލިބެމުން އައި ބާވަތްތައް ލިބެން ހުންނާނެ ކަމަށް މިފްކޯއިން ބުނެއެވެ.
މަސްވެރިކަން މިދުވަސްވަރު ދަށްވެފައިވާއިރު، މަހުގެ އުފެއްދުންތަކުގެ އަގުތައް މާލޭ ބާޒާރުގައިވެސްވަނީ އުފުލިފައެވެ. އެގޮތުން ވަޅޯމަހުގެ އަގާއި ރިހާކުރުގެ އަގުތައްވެސް މިހާރުވަނީ ވަރަށް ބޮޑަށް އުފުލިފައެވެ.