އެކްސިޑެންޓްވި ސައިކަލެއް- ފައިލް ފޮޓޯ: ސޯޝަލް މީޑިއާ
ރޭ އައްޑޫ ސިޓީގައި ހިނގި އެކްސިޑެންޓުގައި ސީރިއަސް ޒަޚަމްތަކެއް ލިބުނު 2 ޒުވާނުންނަށް އިތުރު ފަރުވާދިނުމަށްޓަކައި މާލެ ގެނައުމަށް ފުރުވާލައިފިއެވެ.
މިދެޒުވާނުން ފަރުވާދިނުމަށް މާލެއަށް ފުރުވާލާފައިވަނީ މޯލްޑިވިއަންގެ ޗާޓަރ ފުލައިޓެއްގައިކަމަށް ހިތަދޫ ރީޖަނަލް ހޮސްޕިޓަލުން މަޢުލޫމާތުދެއްވައެވެ. އެހޮސްޕިޓަލް ހިންގުމާ ހަވާލުވެ ހުންނެވި ޢަލީ މޫސާ ވިދާޅުވީ، ރޭގެ އެކްސިޑެންޓުގައި އަނިޔާވި ދެ ޒުވާނުންގެ ބޮލަށް ސީރިއަސް ޒަޚަމްތަކެއް ލިބިފައިވާކަމަށެވެ. އެދެ ޒުވާނުން މިއަދު މެންދުރު 12:00 އެހާއިރު މާލެ ގެނެވޭނެކަމަށްވެސް އޭނާ ވިދާޅުވިއެވެ.
ރޭ 10:10 އެހާއިރު، ހިތަދޫ ބޮޑުމަގުގައި ހުންނަ ފޭލި ފިހާރަކައިރީގައި، މި އެކްސިޑެންޓް ހިނގާފައިވަނީ ދުއްވާފައިދިޔަ ސައިކަލެއް އޯވަރޓޭކް ކުރަން އުޅުމުގެ ތެރޭގައިކަމަށް މަޢުލޫމާތުލިބެއެވެ.
ޚިޔާލު ފާޅުކުރުމަށް ކަނޑައެޅިފައިވާ ވަގުތު ހަމަވެއްޖެ، ޝުކުރިއްޔާ