ބްރިޖުގެ މެއިންޓަނަންސް މަސައްކަތް ކުރަމުންދިޔަ ބިދޭސީއަކު މަރުވެއްޖެ
-
މަރުވެފައިވަނީ އިންޑިއާގެ ފިރިހެނެއް
-
ހޮސްޕިޓަލަށް ގެންދިޔައިރުވެސް އޮތީ މަރުވެފައި
ސިނަމާލެ ބްރިޖުގެ މެއިންޓަނަންސް މަސައްކަތް ކުރަމުންދިޔަ މީހަކު މަރުވެއްޖެއެވެ.
ދިވެހި ފުލުހުންގެ ޚިދުމަތުން މައުލޫމާތު ދެއްވާ ގޮތުގައި މަރުވެފައިވަނީ އިންޑިއާގެ ފިރިހެނެކެވެ.
ފުލުހުން ވިދާޅުވީ ސިނަމާލެ ބްރިޖުގެ މަސައްކަތް ކުރަމުންދިޔަ ބިދޭސީއެއް އަނބުރައިގަނެގެން ރޭގެ ވަގުތެއްގައި ޓްރީޓޮޕް ހޮސްޕިޓަލަށް ގެންދިޔަ ކަމަށެވެ. އޭނާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް އެ ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ވިދާޅުވިއެވެ.
މިކަމާ ގުޅޭ އިތުރު މައުލޫމާތެއް ފުލުހުން ހާމަކުރައްވާފައި ނުވެއެވެ.
ސިނަމާލެ ބްރިޖުގެ މަރާމާތުގެ މަސައްކަތް ކުރަމުންދަނީ ޗައިނާ ކޮމިއުނިކޭޝަންސް ކޮންސްޓްރަކްޝަން ކޮމްޕެނީ، ސީ.ސީ.ސީ.ސީ ސެކަންޑް ހާބަރ އިންޖިނިއަރިން ކޮމްޕެނީންނެވެ. މި މަސައްކަތް އެ ކުންފުނިން ފަށާފައިވަނީ މިދިޔަ މާޗު މަހުގައެވެ.