ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ވަރލްޑް ބޭންކުގެ ވައިސް ޕްރެޒިޑެންޓް، މިސް އެނެޓް ޑިކްސަންއާ ބައްދަލުކުރައްވައިފިއެވެ. މިބައްދަލުކުރެއްވުން އޮތީ، މިއަދު ހެނދުނު ރައީސުލްޖުމްހޫރިއްޔާގެ އޮފީހުގައެވެ. img:http://s4.psmnews.mv/images/660x400/14627004693876.jpg|ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމް، ވަރލްޑް ބޭންކުގެ ވައިސް ޕްރެޒިޑެންޓް، މިސް އެނެޓް ޑިކްސަންއާ ބައްދަލުކުރެއްވުން - ފޮޓޯ: ރައީސް އޮފީސް
މި ބައްދަލުކުރެއްވުމުގައި، ވަރލްޑް ބޭންކުގެ ފަރާތުން އެހީތެރިކަން ފޯރުކޮށްދެއްވައިގެން ކުރިއަށް ގެންދާ މަޝްރޫޢުތަކާ ކުރިއަށް އޮތް ތާނގައި ހިންގަން ހަމަޖެހިފައިވާ މަޝްރޫޢުތަކާ ބެހޭގޮތުން، ރައީސުލްޖުމްހޫރިއްޔާއާ، ވަރލްޑް ބޭންކުގެ ވައިސް ޕްރެޒިޑެންޓް މަޝްވަރާ ކުރެއްވިއެވެ. މިގޮތުން، ކުނި މެނޭޖްކުރުމަށްޓަކައި އިންސިނަރޭޓަރ ސިސްޓަމް ބެހެއްޓުމާ މަސްވެރިކަމުގެ ދާއިރާއިން ވަރލްޑް ބޭންކްގެ އެހީގައި ހިންގަން ހަމަޖެހިފައިވާ މަޝްރޫޢުތަކާ ބެހޭގޮތުން މަޝްވަރާ ކުރެއްވިއެވެ.
މި ބައްދަލުކުރުމުގައި ރައީސުލްޖުމްހޫރިއްޔާ ވަނީ ރާއްޖެއަށް އެމަނިކުފާނު ގެންނަން ބޭނުންފުޅުވާ ބަދަލުތައް ވަރލްޑް ބޭންކުގެ ވައިސް ޕްރެޒިޑެންޓާ ޙިއްޞާ ކުރައްވާފައެވެ.