ރައީސް ދެއްކެވި ރީތި ނަމޫނާއަށް އެތައް ބައެއްގެ ތައުރީފު

މީހަކަށް ކުށެއް ކުރެވުމުން އެ މީހާގެ އެ ކުށުގެ ވާހަކަތައް ދައްކައި އެ މީހާ ފަޟީހަތްވާގޮތަށް ވީޑިއޯތައް އާންމުކުރުމަކީ ސޯޝަލްމީޑިއާގައި މިހާރު އާއްމުކަމެކެވެ. އެކި ޕްލެޓްފޯމުތައް މެދުވެރިކޮށް ކާކުކަން ނޭނގޭ ގޮތަށާއި އަދި ކާކުކަން އެނގޭގޮތަށްވެސް މީހުންނަށް ކުރެވޭ ކުށްތަކުގެ ވާހަކަތައް ދައްކައި ފަޟީހަތް ކުރުމުގެ އަމަލުތައް ހިންގައެވެ.

މީހުން ފަޟީހަތްކުރުމަށް ހިންގާ އަމަލުތައް ގިނަވެފައިވާ ދަނޑިވަޅެއްގައި، ގިނަ ބައެއްގެ ސަމާލުކަން ހުއްޓުނީ މިފަދަ އަމަލުތައް ކުށްވެރިކުރައްވައި، އެކަންކަން ނުކުރުމަށް ގޮވާލާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ސޯޝަލް މީޑިއާގައި ކުރެއްވި ޕޯސްޓަކަށެވެ. އެތައް ބައެއްގެ ތައުރީފް ލިބިގެންދިޔަ އެ ޕޯސްޓް ސިޔާސީ އެކި ފިކުރުގެ މީހުންވެސް ސިފަކުރެއްވީ އެއީ ޤައުމުގެ ވެރިއަކު ރައްޔިތުންނަށް ދައްކަވާ ރީތި ނަމޫނާއެއްގެ ގޮތުގައެވެ.

ރައީސުލްޖުމްހޫރިއްޔާ ކުރެއްވި ޕޯސްޓުގައި ވިދާޅުވީ މީހަކަށް ކުރެވޭ ކުށެއްގެ ނާޖާއިޒު ފައިދާ ނަގައި، އެއްވެސް މަގުސަދެއްގައި ވީޑިއޯކޮށް އާންމުންގެ ތެރޭގައި އެ މީހާ ފަޟީހަތްކުރުމަކީ އަޚްލާގީ ގޮތުންނާއި އިޖުތިމާޢީ ގޮތުން ވެސް ކޮށްގެންވާނެ ކަމެއް ނޫން ކަމަށެވެ. އަދި ކުށެއް ކުރި މީހަކަމާމެދު ކަންކުރާނެ ގޮތް ޤާނޫނުގައި ބަޔާންކޮށްފައިވާ ކަމަށާއި ފިޔަވަޅު އެޅުމަށް މުއައްސަސާތަކާއި ޤާނޫނީ ނިޒާމު ޤާއިމުވެފައިވާ ކަމަށް ވިދާޅުވިއެވެ.

މީގެ އިތުރުން އިޖުތިމާޢީ ގޮތުންނާއި ދީނީގޮތުން އޮންނަ ރީތި މިންގަނޑުތައް ދޫކޮށް، ޤާނޫނީ ވެރިކަން އަތްމައްޗަށް ނެގުމުގެ މިފަދަ އަމަލުތަކުގެ ސަބަބުން ބަދަލު ހިފުމުގެ ރޫހު މުޖުތަމައުން ނައްތާލުމަށް ކުރާ މަސައްކަތަށް ހުރަސް އެޅޭނެ ކަމަށް ވެސް ރައީސުލްޖުމްހޫރިއްޔާ ވިދާޅުވިއެވެ. އަދި ކޮންމެ ރައްޔިތަކު ވެސް އޯގާތެރި، ކުލުނުވެރި އަދި ޒިންމާދާރު މުޖުތަމައެއް ބިނާ ކުރުމުގެ ޒިންމާ އަދާކުރުމަށް އެމަނިކުފާނު ނަސޭހަތްތެރިވެވަޑައިގެންނެވިއެވެ.

This is what I want to see. Party meehaa kureema ves kada kameh vaanee kamakah. Abadhuves fehnanee party meehaa vejjeya thafaath rule eh gengulhey than, this is the change we voted for , no matter how small it is. You have earned my respect today 🙌 https://t.co/gJdV9FV5MH

— Mohamed Ruwaidh Nimreeh (@MRuwaidh) May 6, 2024

ރައީސުލްޖުމްހޫރިއްޔާގެ މި ނަސޭހަތާއެކު ސޯޝަލް މީޑިއާގައި ޚިޔާލު ފާޅުކުރި އެތައް ބަޔަކު ވަނީ އެމަނިކުފާނު ދެއްކެވީ ޤައުމުގެ ވެރިއެއްގެ ހައިސިއްޔަތުން ފުރިހަމަ ނަމޫނާއެއްކަން ފާހަގަކޮށްފައެވެ. އެމަނިކުފާނުގެ ފަރާތުން ފެނިގެންދަނީ ހެޔޮލަފާ ވެރިއެއްގެ ސިފަތައް ކަމަށާއި ސިޔާސީ ގޮތުން ވަކި މީހަކު ތަފާތު ނުކުރައްވާކަން އެމަނިކުފާނުގެ ނަސޭހަތުން ހާމަވާ ކަމަށް ދަނީ ބުނަމުންނެވެ.

ފަހަކަށްއައިސް ރާއްޖޭގެ ހުރިހާ ހިސާބެއްގައި ، މަސްތުވާތަކެތި ބޭނުންކުރާ ފަރާތްތަކާއި، ވައްކަން ކުރާ ފަރާތްތަކާއި މިނޫންވެސް އެކިއެކި ކުށްތަކަށް އަރައިގަންނަ ފަރާތްތަކުގެ ވީޑިއޯ / ފޮޓޯ ސޯޝަލްމީޑިއާގައި ޕޯސްޓުކުރުން ވަރަށް ބޮޑަށް އިތުރުވެފައިވަނިކޮށް، ވަރަށް މުނާސަބު ބަސްފުޅެއް.… https://t.co/DGTBLOcdDM

— Aneel 🇲🇻 (@aneelmv) May 7, 2024

ރައީސް ނުކުންނެވީ އެމަނިކުފާނަށް ކުޑައިމީސްކޮށް ވާހަކަދައްކަވާ ބޭފުޅެއްގެ ދިފާއުގައިކަން ފާހަގަކުރައްވައި އެތައް ބަޔަކު ވަނީ އެއީ ޙައްގު ބަސްބުނުމުގައި އެމަނިކުފާނު ފަސްޖެހިވަޑައިނުގަންނަވާނެ ކަމުގެ ނަމޫނާއެއްކަމަށް ބުނެފައެވެ. އަދި ޤައުމުގެ ރައީސް ރައްޔިތުންނާ ގާތްވުމުން މިފަދަ ރިވެތި މިސާލުތައް ފެނުން އިތުރުވާ ކަމަށް ވެސް ޚިޔާލު ފާޅުކުރި މީހަކު ވަނީ ބުނެފައެވެ.

ޤައުމުގެ ރައީސް ރައްޔިތުންނާ ހާތަނުން ގާތްވީމަ މިކަހަލަ ރިވެތި މިސާލުތައް ފެނުން އިތުރުވޭ. ޟުކުރިއްޔާ މިހާ ތިލަ އިބާރާތުން ކަމުގެ ރަނގަޅު ގޮތް ދިވެހި ރައްޔިތުންނައް ބުނެލަދިނީތީ.@MMuizzu https://t.co/BBk9nEF17V

— RilwanLatheef (@RilwanLatheef_) May 6, 2024

ރައީސަށް ތައުރީފުކޮށް މީހަކު ކުރި ޕޯސްޓެއްގައި ވަނީ މިއަދުގެ ސިޔާސީ ލީޑަރުން، މަޖިލީހުގެ މެންބަރުންގެ ސުލޫކަށް ފާޑުކިޔުމުން ދުރުހެލިވެ، ފަހަތަށް ޖެހޭކަމަށް ފާހަގަކޮށްފައެވެ. ނަމަވެސް ރައީސްގެ ނަސޭހަތްޕުޅާއެކު އެކަން ބަދަލުވެފައިވާ ކަމަށާއި މިއީ ހެޔޮ ވެރިކަމެއް ހިންގަވާނެކަމުގެ ހެޔޮ ނިޝާނެއް ކަމަށްވެސް އޭނާ ފާހަގަކުރިއެވެ.

ރައީސުލް ޖުމްހަުރިއްޔާ ޑރ މުހައްމަދު މުޢިއްޒަކީ، @MMuizzu މި އިސްލާމީ ޤައުމަށް، الله ތަޢާލާ މިންވަރު ކުރެއްވި ހެޔޮ ރަނގަޅު ނަސީބެއް ކަމުގައި ލައްވާށިއެވެ. 🤲🏻 މިފަދަ ހެޔޮ ނަޞީހަތާއި، ހެޔޮ ނަމޫނާ އަކީ މި މުޖުތަމަޢަށް އެންމެ ބޮޑަށް ބޭނުންވެފައިވާ އެންމެ ބޭނުންތެރި… https://t.co/yCtMNahME4

— Ahmed Nihan (@ahmed_nihan) May 6, 2024

ސިޔާސީ އެކި ފަރާތްތަކުން ވެސް ވަނީ ރައީސް ދެއްވި ނަސޭހަތަށް ތައުރީފު ކުރައްވާފައެވެ. އެގޮތުން، ރައްޔިތުންގެ މަޖިލީހުގެ ކުރީގެ މެންބަރު އަހުމަދު ނިހާން ކުރެއްވި ޕޯސްޓެއްގައި ވިދާޅުވީ ރައީސް ދެއްވިފަދަ ހެޔޮ ނަސޭހަތާއި ނަމުނާއަކީ މުޖުތަމައަށް އެންމެ ބޮޑަށް ބޭނުންވެފައިވާ އަދި ބޭނުންތެރި އިންވެސްޓްމަންޓް ކަމަށެވެ.

އެމްޑީޕީގެ ޔޫތު ވިންގުގެ ނައިބު ރައީސް އަހުމަދު މައިމޫން މުޙައްމަދުވެސް ވަނީ ރައީސް ދެއްކެވީ ރީތި ނަމޫނާއެއްކަން ފާހަގަކުރައްވާފައެވެ. އަދި މި މުޖުތަމައަކީ ލޯތްބާއި ކުލުނުން ފުރިގެންވާ، އޯގާތެރި އަދި އެކަކު އަނެކަކަށް އިހުތިރާމް ކުރަން ދަންނަ މުޖުތަމައަކަށް ވާންޖެހޭކަންވެސް އޭނާ ފާހަގަކުރެއްވިއެވެ.

ވަރަށް ރީތި މިސާލެއް.🙏🏾
އަޅުގަނޑުމެންގެ މުޖުތަމައަކީ ލޯތްބާއި ކުލުނުން ފުރިގެންވާ އޯގާތެރި އަދި އެކަކު އަނެކަކަށް އިހްތިރާމް ކުރަން ދަންނަ މުޖުތަމައުއަކަށް ވާންޖެހޭ. https://t.co/FnIIhbUc2s

— Maimoon (@mrsays_) May 6, 2024

ރައްޔިތުން މަޖިލީހުގެ ފޭދޫ ދާއިރާގެ މެންބަރު މުޙައްމަދު ނިހާދު ކުރެއްވި ޕޯސްޓެއްގައި ވިދާޅުވީ ރާއްޖޭގައި ރައީސަކު ހުންނެވިކަން އިހުސާސްކުރެވޭ ކަމަށާއި ދައުލަތުގެ ކުންފުނިތަކާއި ވުޒާރާތަކުގެ ވެރިން ގޯސް ހެދުމުން ފިޔަވަޅު ނާޅާއި ބަސްބުނަން ނުކުރުނު ޒަމާން މާޒީވެފައިވާ ކަމަށެވެ. އަދި ޤައުމު މިހާރު މިދަނީ ރަނގަޅު މިސްރާބަކަށް ކަމާމެދު ޝައްކު ނުކުރައްވާ ކަމަށްވެސް އޭނާ ވިދާޅުވިއެވެ.

Raees aku hurikan ihusaas kureven feshumun ufaa vey! Dhaulathuge kunfuni thakaai vuzaraa thakuge verin kandaelhigen goas hadhamun dhiyairu, fiyavalhu alhai bas bunan Nukerunu zamaan maazee vejje!
Gaumu Midhanee, ragalhu misraabakah kamaai medhu shakku nukuran!
Saabas @MMuizzu 👏 https://t.co/gzjDpzZTmz

— Feydhoo Meehaa (Mohamed Nihad) (@nihad_m) May 6, 2024

ޤައުމުގައި ހަމަޖެހުން ޤާއިމުކޮށް އިޖުތިމާޢީ އަދި ދީނީ ރީތި އުސޫލުތައް ނެގެހެއްޓެވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގަތުމުގެ ކުރިންވެސް ދައްކަވަމުންގެންދެވި ވާހަކަފުޅެކެވެ. މި ޤައުމުގައި ސިޔާސީ ފިކުރެއް ފާޅު ކުރުމުގެ ސަބަބުން އެމީހަކާ މެދު ތަފާތު ކުރުން ނުގެންގުޅުއްވާނެ ކަމަށާއި. ކުރީ ސަރުކާރުތަކުން ފެނުނު ބަދަލު ހިފުމުގެ ރޫހު މިސަރުކާރުން ފެނިގެން ނުދާނެ ކަމަށް ވެސް ރައީސުލްޖުމްހޫރިއްޔާ ވަނީ ވިދާޅުވެފައެވެ.