މަސައްކަތްތެރިންގެ ހައްގުގައި އެމްޑީޕީ ދެމިއޮންނާނެ: ކުރީގެ ރައީސް ސާލިހު

މަސައްކަތްތެރިންގެ ހައްޤުތައް ކަށަވަރު ކުރުމުގައި އެމްޑީޕީން ދެމިތިބޭނެކަމަށް އެމްޑީޕީގެ އެޑްވައިޒަރު، ކުރީގެ ރައީސް އިބްރާހިމް މުހައްމަދު ސާލިޙު ވިދާޅުވެއްޖެއެވެ.

ބައިނަލްއަޤްވާމީ މަސައްކަތްތެރިންގެ ދުވަހާއި ގުޅިގެން ކުރީގެ ރައީސް އިބްރާހިމް މުހައްމަދު ސާލިހު ސޯޝަލް މީޑިއާގައި ކުރެއްވި ޕޯސްޓުގައި ވަނީ މަސައްކަތްތެރިންގެ ދުވަހުގެ ތަހުނިޔާ އަދި މަރުހަބާ ދިވެހި ހުރިހާ މަސައްކަތްތެރިންނަށް ފޮނުއްވާފައެވެ.

#MayDay2024 wishes and greetings to workers across Maldives. @MDPSecretariat is proud to have led the nationwide fight to secure workers rights in the Maldives having passed, amongst other protections, legislation to ensure a minimum wage for all.

This May Day, I give my…

— Ibrahim Mohamed Solih (@ibusolih) May 1, 2024

ކުރީގެ ރައީސް ސާލިހު ވިދާޅުވީ މަސައްކަތްތެރިންގެ ހައްޤު ރައްކާތެރިކުރުމާއި އެންމެ ކުޑަ އުޖޫރަ ތައާރަފްކުރުން ފަދަ މުހިންމު ސިޔާސަތުތަކަށް އެ ޕާޓީން ވަކާލާތުކޮށްފައިވާ ކަމަށެވެ. އަދި މަސައްކަތްތެރިންނަށް ލިބިފައިވާ ހައްޤުތައް ކަށަވަރުކުރުމަށް އެމްޑީޕީ ދެމިއޮންނާނެކަމަށްވެސް ކުރީގެ ރައީސް ވިދާޅުވިއެވެ.

ބައިނަލްއަޤްވާމީ ގޮތުން ފާހާގަކުރާ މަސައްކަތްތެރިންގެ ދުވަހަކީ ކޮންމެ އަހަރެއްގެ މޭ މަހު 1 ވަނަ ދުވަހެވެ.