މިފަހަރުގެ ޕޮމިސްކަޕް ފުޓްބޯޅަ މުބާރާތް އަމާޒްކޮށްފައިވަނީ ގައުމީ ޓީމަށްކަމަށް އެފްއޭއެމްގެ ނޯމަލައިޒޭޝަންގެ ކޮމެޓީގެ ޗެއާރމަން ބައްސާމް އަދީލް ޖަލީލް ވިދާޅުވެއްޖެއެވެ.
ބައްސާމް ވިދާޅުވީ މިފަހަރު ޕޮމިސްކަޕް އަމާޒްކޮށްފައިވަނީ ކުލަބްތަކުގެ ބަދަލްގައި ގައުމީ ޓީމްތަށް ކުޅޭ މުބާރާތެއް ގޮތުގައި ކަމަށެވެ. ޑިސެމްބަރު މަހުގެ 22ވަނަ ދުވަހު ފެށުމަށް ހަމަޖެހިފައިވާ މިމުބާރާތް ގައުމީ ޓީމްތަށް ކުޅޭ މުބާރާތެއްގެ ގޮތުގައި މިއަހަރު ބަދަލްކުރަން ވިސްނީ ފުޓްބޯޅައިގެ ފޯރި އިތުރުކުރުމާ ގައުމީ ޓީމްގެ މުބާރާތްތައް މިއަހަރު މަދުވުމުންކަމަށެވެ. ބައްސާމް ވިދާޅުވީ މުބާރާތުގެ ކަންތަށްތަށް އަދި އެއްކޮށް ފައިނަލް ނުވާކަމަށާ ނަމަވެސް މިހާރުވެސް މިމުބާރާތުގައި ގެންނާނެ ބައެއް ގައުމްތަކާ މަޝްވަރާ ކުރަމުންދާކަމަށެވެ.
"ގައުމީ ޓީމްތަކަށް މުބާރާތް ހުޅުވާލުމުން، މުބާރާތް އިތުރަށް ފޯރިގަދަވެގެންދާނެ. މިހާރުވެސް ބައެއް ޓީމްތަކަށްވަނީ ދަޢުވަތުދީފަ. އެގޮތުން ނޭޕާލް ހިމެނޭ އަދި އަވަޓެރި ބައެއް ގައުމްތަށްވެސް ހިމެނޭ. މިމުބާރާތަށް ދަތުވަތު ދިނުމުގައި ބޮޑަށް ބަލަނީ ރާއްޖެއަށް ވުރެއް ފެންވަރުގެ ގޮތުން މަތީ ޓީމްތަކަށް. ނޭޕާލްއަށް ދައުވަތު ދިނުމަށް ވިސްނާފައިވަނީ އެޓީމަކީ މިހާރު ރާއްޖެ ބަލިކުރަމުން އަންނަ ޓީމަކަށްވާތީ" ބައްސާމް ވިދާޅުވިއެވެ.
ޕޮމިސްކަޕް ފުޓްބޯޅަ މުބާރާތް މިއަހަރު ކުރިއަށްދާނީ ޑިސެމްބަރު މަހުގެ ބާވީހުން އެއް ތިރީހަށެވެ. މިދިޔަ އަހަރުވަނީ ޕީޕަލްސްކަޕްގެ ނަމުގައި މުބާރާތެއް ކުރިއަށް ގެންގޮސްފައެވެ.