ޔުގަންޑާގެ ގާނޫނު ހަދާ މަޖިލީހުގެ ނައިބު ރައީސް، ރާއްޖޭގެ މަޖިލީހުގެ ރައީސާ ބައްދަލުކުރައްވައިފި
-
ތޯމަސް ތަޔެބްވާ ރާއްޖެ ވައިގަތީ މިދިޔަ ބުރާސްފަތި ދުވަހު
-
ރައްޔިތުންގެ މަޖިލިސް ބައްލަވާލެއްވި
-
ތޯމަސްވަނީ މަޖިލީހުގެ ނައިބު ރައީސާއި ޚާރިޖީ ވަޒީރާ ބައްދަލުކުރައްވާފައި
ޔުގަންޑާ ގާނޫނުހަދާ މަޖިލީހުގެ ނައިބު ރައީސް، ރިޓަޔާޑް ތޯމަސް ތަޔެބްވާ ރާއްޖޭގެ މަޖިލީހުގެ ރައީސް މުޙައްމަދު އަސްލަމާއި ބައްދަލުކުރައްވައިފިއެވެ.
ޔުގަންޑާގެ ގާނޫނުހަދާ މަޖިލީހުގެ ނައިބު ރައީސް ތޯމަސް ތަޔެބްވާ މަޖިލީހުގެ ރައީސް މުހައްމަދު އަސްލަމްއާ ބައްދަލުކުރެއްވީ ރައްޔިތުންގެ މަޖިލީހުގެ އިދާރާއަށް ކުރެއްވި ޒިޔާރަތުގައެވެ. މިބައްދަލުވުމުގައި ދެ ބޭފުޅުން ވަނީ ރައްޔިތުންގެ މަޖިލީހާއި ޔުގަންޑާގެ ގާނޫނު ހަދާ މަޖިލީހާ ދެމެދު ގުޅުން ބަދަހި ކުރުމާގުޅޭ ގޮތުން މަޝްވަރާ ކުރައްވާފައެވެ.
ރައްޔިތުންގެ މަޖިލީހުގެ ރައީސް މުޙައްމަދު އަސްލަމްވަނީ މިމަހުގެ 1 ވަނަ ދުވަހު ޔުގަންޑާއަށް ރަސްމީ ދަތުރުފުޅެއް ކުރައްވާފައެވެ.
ތޯމަސް ތަޔެބްވާ ވަނީ މަޖިލީހުގެ ނައިބު ރައީސް އަހުމަދު ސަލީމާވެސް ބައްދަލުކުރައްވާފައެވެ. އަދި މިއަދު ހަވީރު ޚާރިޖީ ވަޒީރު މޫސާ ޒަމީރާވެސް ބައްދަލުކުރައްވާފައެވެ.
ޔުގަންޑާގެ ގާނޫނުހަދާ މަޖިލީހުގެ ނައިބު ރައީސް، ތޯމަސް ތަޔެބްވާ ރާއްޖެއަށް ކުރައްވާ ދަތުރުފުޅަކީ ރައްޔިތުންގެ މަޖިލީހުގެ ރައީސް މުޙައްމަދު އަސްލަމްގެ ދަޢުވަތަކަށް ކުރައްވާ ދަތުރުފުޅެކެވެ. ތޯމަސް ރާއްޖެ ވަޑައިގަތީ މިދިޔަ ބުރާސްފަތި ދުވަހުގައެވެ.