މަސްވެރިކަން ދަށް ދުވަސްވަރު މަސްވެރިންނަށް ޢާމްދަނީ ލިބޭގޮތަށް ސަރުކާރުން ތަޢާރަފްކޮށްފައިވާ ބެޔަސް ނުބެޔަސް ސްކީމްގެ ދަށުންއޮޑިދޯނިފަހަރުގައި ހަރުކުރާ ޑިވައިސްގެ އަގު ހެޔޮކޮށްފިއެވެ. ރައްޔިތުންގެމަޖިލީހުގެ ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ވަނީ މިޑިވައިސް މަސްވެރިންނަށް ފޯރުކޮށްދޭ ކުންފުނި، ދިރާގާ ވާހަކަދައްކައިގެން އެ ޑިވައިސްގެ އަގުން 25 އިންސައްތަހެޔޮކުރައްވާފައެވެ.
މަސްވެރިކަން ދަށް ދުވަސްވަރު މަސްވެރިންނަށް އާމްދަނީއެއްގެގޮތުގައި 10,000 ރުފިޔާ ދިނުން އެއީ ރައީސް ޢަބްދުﷲ ޔާމީންގެ ރިޔާސީ ވަޢުދެކެވެ. ފިޝަރީޒް މިނިސްޓްރީން ވަނީ، ދޯނިފަހަރު މަހަށް ނުކުތްތޯ ބަލަން "ވެސަލް ލޮކޭޓިން ޑިވައިސް"އެއް މަސްދޯނި ފަހަރުގައި ހަރުކުރުމަށްލާޒިމްކޮށްފައެވެ. މި ޑިވައިސްއިން ދޯނި އޮންނަ ތަން ސެޓެލައިޓް މެދުވެރިކޮށްވަގުތުން އެނގޭނެއެވެ. މިހާތަނަށް މި ސްކީމަށް މާބޮޑު ތަރުހީބެއް ލިބިފައިނެތީ، ފިޝަރީޒް މިނިސްރީން މަސްވެރިނަށް ފޯރުކޮށްދޭންޖެހޭ މަޢުލޫމާތުފޯރުނުކޮށްދެވިގެންކަމަށް މާލިއްޔަތު ކޮމިޓީން ވަނީ ނިންމާފައެވެ.
މި ސްކީމްގެދަށުން ދޯނީގައި ހަރުކުރާ ޑިވައިސްގެ އަގަކީ 18650 ރުފިޔާއެވެ. އަދި ކޮންމެ މަހަކު 1700 ރުފީޔާ މަހުފީގެ ގޮތުގައި ނަގަމުން ގެންދެއެވެ. އެހެންކަމުން މިޑިވައިސްގެ އަގު ބޮޑުކަމަށް މަސްވެރިން ބުނަމުންދާތީ، ސަރުކާރުގެމަސްއޫލިއްޔަތު އަދާކުރާ މިންވަރުބަލާ ކޮމިޓީން ވަނީ އެ ޑިވައިސް އަގު ހެޔޮކޮށް މަސްވެރިންނަށް ފޯރުކޮށްދިނުމަށް ނިންމާފައެވެ. އެގޮތުން 25 އިންސައްތައިގެ ޑިސްކައުންޓެއް ދިރާގުން ދޭން ނިންމާފައިވާކަމަށް ކޮމިޓީގެ މުޤައްރިރުރިޔާޒް ރަޝީދު ވިދާޅުވިއެވެ. އަދި އިންސްޓޯލްމަންޓަށްވެސް ޑިވައިސް ހަރުކޮށް ފައިސާ ދެއްކޭނެކަމަށް މުޤައްރިރު ވިދާޅުވިއެވެ.
ކޮމިޓީގެ މެމްބަރުންވެސް ވަނީ މި ސްކީމްގައި މަސްވެރިން ބައިވެރިވެފައި ނުވަނީ، މިނިސްޓްރީން ފޯރުކޮށްދޭންޖެހޭމަޢުލޫމާތު ފޯރުކޮށްދީފައި ނުވާތީކަމަށް ބަލާ، ރާއްޖޭގެ މީޑިއާއާއި، އެހެނިހެންވަޞީލަތްތައް މެދުވެރިކޮށް ޞައްޙަ މަޢުލޫމާތު ފޯރުކޮށްދެއްވުމަށް ފިޝަރީޒްމިނިސްޓްރީއަށް އެންގެވުމަށް ވަނީ ކޮމިޓީގެ އިއްތިފާޤުން ނިންމާފައެވެ.