މާލެ އަތޮޅު ވެލައްސަރުރިޒޯޓާއި ވާދޫ އާއި ދެމެދު ދަތުރުކުރަމުންދިޔަ ލޯންޗަކާއި ޑިންގީއެއްޖެހި އެކްސިޑެންޓެއް ހިނގައި އެކަކަށް ސީރިއަސް އަނިޔާތަކެއް ލިބިއްޖެއެވެ.
މިޙާދިސާ ހިނގިއިރު ޑިންގީގައި ތިބީ 2 މީހުންކަމަށް ފުލުހުން ވިދާޅުވެއެވެ. އޭގެ ތެރެއިން އެކަކަށްސީރިއަސް އަނިޔާތަކެއް ލިބިފައިވާކަމުގެ މަޢުލޫމާތު ފުލުހުންނަށް ލިބުމާއެކު މެރިން ޕޮލިސްގެޓީމެއް ވަނީ އެސަރަޙައްދުގައި ޙަރަކާތްތެރިވާން ފަށާފައެއެވެ. މިޙާދިސާގެ މައުލޫމާތުފުލުހުންނަށް ލިބިފައިވަނީ ދިހަ ގަޑިތިރީސް ހާއިރުކަމަށް ފުލުހުން ވިދާޅުވެއެވެ. އަދި މެރިން ޕޮލިސްގެ ލޯންޗުގައި އެމީހާ މާލެ ގެނައުމުގެ މަސައްކަތް ކުރައްވަމުން ގެންދަވާކަމަށް ފުލުހުން މަޢުލޫމާތުދެއްވައެވެ.
މި އެކްސިޑެންޓާއި ގުޅިގެންޑިންގީގެ އިންޖީނު ނެއްޓި އަޑިއަށް ގޮސްފައިވާ ކަމަށާއި، ލޯންޗަށްވެސް ބޮޑެތިގެއްލުންތަކެއް ލިބިފައިވާކަމަށް ފުލުހުން ހާމަކުރައްވައެވެ. އަދި އެކްސިޑެންޓްވުމާއެކު ޑިންގީގައި ތިބި މީހުން އެސަރަޙައްދުން ދަތުރުކުރި ދޯންޏަކަށްނަގާފައިވާކަމަށްވެސް ފުލުހުން ވިދާޅުވެއެވެ. މިހާދިސާ ފުލުހުން އަންނަނީތަޙްޤީޤްކުރައްވަމުންނެވެ.