ކީރިތި ޤުރުއާނާ ބެހޭ މަރުކަޒުގެ ގޮތްޕެއް މާޅޮސްމަޑުލު އުތުރުބުރީ އުނގޫފާރުގައި ޤާއިމުކުރަން ނިންމައިފިއެވެ. އުނގޫފާރުގައި ކީރިތި ޤުރުއާނާބެހޭ މަރުކަޒުގެ ގޮތްޕެއް ޤާއިމުކުރަނީ، އެ މަރުކަޒާއި އުނގޫފާރު ޖަމްޢިއްޔަތުއް ސައިފް ގުޅިގެންނެވެ.
ކީރިތި ޤުރުއާނާއި ބެހޭ މަރުކަޒުގެ އުނގޫފާރު ގޮފި ޤާއިމުކުރުމުގެ އެއްބަސްވުމުގައި ވަނީ ސޮއިކޮށްފައެވެ. އުނގޫފާރުގައި ކީރިތި ޤުރުއާނާ ބެހޭ މަރުކަޒުގެ ގޮތްޕެއް ހުޅުވަން ނިންމީ، އެކަށީގެންވާ މިންވަރަކަށް އެރަށުގައި ޤުރުއާނުގެ ޢިލްމު އުނގެނުމުގެ ފުރުސަތު ފަހިވެފައިނެތުމުން، ޝަޢުޤުވެރިވާ ފަރާތްތަކަށް އެދާއިރާއިން ކުރިއަށްދިއުމުގެ ފުރުޞަތު ތަނަވަސްކޮށްދިނުމުގެ ގޮތުންކަމަށް އުނގޫފާރު ޖަމްޢިއްޔަތުއް ސައިފުން މައުލޫމާތުދެއެވެ. މިހާރު އެއްބަސްވުމުގައި ސޮއިކޮށްފައިވާއިރު ރަސްމީކޮށް އަންނަ މަހުގެ ފުރަތަމަ ދުވަހު އުނގޫފާރުގައި އެ މަރުކަޒުގެ ގޮފި ހުޅުވުމަށް ތައްޔާރުވަމުންދާކަމަށް އުނގޫފާރު ޖަމްޢިއްޔަތުއް ސައިފުން މައުލޫމާތުދެއެވެ.
ކީރިތި ޤުރުއާނާއިބެހޭ މަރުކަޒުގެ އުނގޫފާރު ގޮފިން ހިނގުމަށް ހަމަޖައްސާފައިވަނީ ޤުރުއާނުގެ އިލްމު ކިޔަވައިދޭ ލެވެލް 1، 2، އަދި 3 ގެ ކޯސްތަކެވެ. ޤުރުއާނުގެ އިލްމުގެ އެ ކޯސްތަކުގެ އިތުރުން ކަށުކަމާކެމީގެ ކަންތައްތައް ދަސްކޮށްދިނުމާ، ހުކުރު ހުއްދަ ދިނުމާ ގުޅޭ ކަންކަންވެސް އުނގޫފާރުގައި ހުޅުވާ ގޮފިން ފުރިހަމަކުރެވޭގޮތަށް ވަނީ ހަމަޖައްސާފައެވެ.