ފުލުހުންގެ ބެލުމުގެ ދަށުގައި ހުއްޓައި ފިލައިގެން ދިޔަ މީހަކު ހޯއްދަވަން ފަށްޓަވައިފިއެވެ.
ފުލުހުން ވިދާޅުވީ، އއ.ރަސްދޫ ޕޮލިސް ސްޓޭޝަނުން ބައްލަވަމުން ގެންދަވާ މައްސަލައަކާ ގުޅިގެން ހައްޔަރުކުރައްވައިފައިހުރި 25 އަހަރުގެ ދިވެހި ފިރިހެނަކު، ގޮޅިން ނެރެފައި ހުއްޓައި ހުކުރުދުވަހު ފިލާފައިވާ ކަމަށެވެ. ފުލުހުންގެ ބެލުމުގެ ދަށުގައި ހުއްޓައި ފިލާފައިވާތީ ހޯދުމުގެ މަސައްކަތް ކުރަމުންދަނީ، އއ. ހިމަންދޫ /ދަބުގެ، ޙުސައިން ޝަޙްބާން (25އ)އެވެ.
ފުލުހުން ވިދާޅުވީ، އެމީހާ އަކީ ޝަރީޢަތް ނިމެންދެން ބަންދުކޮށްފައި ހުރި މީހެއް ކަމަށާއި، އޭނާ ހޯދުމުގެ މަސައްކަތް ކުރައްވަމުން ގެންފދަވާ ކަމަށެވެ.
މި މައްސަލައާ ގުޅިގެން، ޕޮލިސް ސްޓޭޝަންގެ ތަނެއް ފަޅާލިކަމަށް ބުނެ ސޯޝަލް މީޑިއާގައި ފަތުރަމުންދަނީ ދޮގު ވާހަކަތަކެއް ކަމަށްވެސް ފުލުހުން ވިދާޅުވިއެވެ. އަދި ފިލައިގެން ދިޔަ މީހާ ރަސްދޫ ޕޮލިސް ސްޓޭޝަނުން އެއްވެސް އެއްޗެއް ގެންގޮސްފައި ނުވާކަމަށް ވެސް ފުލުހުން ވިދާޅުވިއެވެ.
ޙުސައިން ޝަޙްބާން އާ ބެހޭ އެއްވެސް މަޢުލޫމާތެއް ލިބިފައިވާނަމަ ރަސްދޫ ޕޮލިސް ސްޓޭޝަންގެ ނަންބަރު 9791394 ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅުއްވައި ހިއްސާކުރުމަށް ފުލުުންވަނީ އެދިވަޑައިގެންފައެވެ.