އިނގިރޭސިވިލާތުގެ ރަސްގެފާނު ޗާލްސް 3 ވަނަ، ރަސްކަމުގެ ތަޚުތުގައި ވެޑުވުމުގެ ރަސްމިއްޔާތުގައި ބައިވެރިވެވަޑައިގެންނެވުމަށް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އެމަނިކުފާނުގެ އަނބިކަނބަލުން ފަޒްނާ އަޙްމަދު އިނގިރޭސިވިލާތަށް ފުރާވަޑައިގެންފިއެވެ. އިނގިރޭސިވިލާތުގެ ރަސްގެފާނު ޗާލްސް (ތިނެއް) ތަހުތުގައި ވެޑުވުމުގެ ރަސްމިއްޔާތު އޮންނާނީ އަންނަ ހޮނިހިރު ދުވަހުއެވެ.
ރައީސުލްޖުމްހޫރިއްޔާގެ މި ދަތުރުފުޅުގެ ތެރެއިން ކޮމަންވެލްތުގެ ލީޑަރސް އިވެންޓާއި, ގައުމުތަކުގެ އިސްވެރިންނާއެކު ބާވަވާ ރިސެޕްޝަނެއްގައިވެސް ބައިވެރިވެވަޑައިގަންނަވާނެއެވެ.
އިނގިރޭސިވިލާތުގެ ރަސްގެފާނުގެ އިތުރުން ޗާލްސްއަަކީ ކޮމަންވެލްތުގެވެސް ވެރިޔާއެވެ. އެއީ 2.4 ބިލިއަން މީހުން ހިމެނޭ 56 މިނިވަން ގައުމުގެ ޖަމްޢިއްޔާއެކެވެ. އޭގެ ތެރެއިން 14 ދައުލަަތެއްގެ އެންމެ އިސްވެރިޔަކީ ޗާލްސްއެވެ.
ރަސްގެފާނު ޗާލްސް ތަޚުތުގައި ވެޑުވުމުގެ ރަސްމިއްޔާތު ވެސްޓް މިނިސްޓަރ އަބޭގައި އޮންނަ ހަފުލާގައި 2000 އަށްވުރެ ގިނަ މެހެމާނުން ބައިވެރިވާނެއެވެ.
ޗާލްސްއަށް އިނގިރޭސި ތަހުތަށް އިސްކުރެވުނީ، އިނގިރޭސިވިލާތުގެ ރާނީ އަދި ޗާލްސްގެ މަންމާފުޅު މިދިޔަ އަހަރުގެ ސެޕްޓެމްބަރުމަހު އަވަހާރަވުމާއި ގުޅިގެންނެވެ.