އަންނަ މާރޗްމަހު
ޖަރުމަނުވިލާތުގައި އޮންނަ އައިޓީބީ ފެއާރގައި ފަތުރުވެރިކަން އިޝްތިހާރުކުރުމުގެ
އިތުރުން ދިވެހި ބަހާއި ތާނައަކުރު ކުރިއެރުވުމަށް ޚާއްޞަ ޙަރަކާތެއްވެސް ހިންގާނެނެކަމަށް
އެމްއެމްޕީއާރުސީން ވިދާޅުވެއްޖެއެވެ.
އެމްއެމްޕީއާރުސީގެ
ޑެޕިއުޓީ ޑިރެކްޓަރ ފާތިމަތު ރަހީލް ވިދާޅުވީ، އައިޓީބީގައި ފެއާރއަށް
ޒިޔާރަތްކުރާ މީހުންނަށް ދޫކުރެވޭ ޚާއްޞަ ޓީޝާޓެއްގައި ތާނައަކުރުން ކޮންމެވެސް
އެއްޗެއް ލިޔުމުގެ ޙަރަކާތަކާއެކު ޓޫރިޒަމް އިޝްތިހާރުކުމުގެ މަސައްކަތް ކުރިއަށް
ގެންދާނެކަމަށެވެ. " މިއީ އަސްލު
އަޅުގަނޑުމެންގެ ދިވެހިންގެ ތަފާތުކަންކަން ދައްކައިދިނުމަށް ކުރިއަށް ގެންދާ
ކަންކަން. ޓޫރިޒަމް އިޝްތިހާރުކުރުމުގެ ތެރެއިންވެސް މިކަންކަން އަޅުގަނޑުމެން އިޝްތިހާރުކުރާނަން
" ރަހީލް ވިދާޅުވިއެވެ.
އަންނަ މަހު 9 ން 13
އަށް ކުރިއަށް ބާއްވާ މި ފެއާރގެ، މިއަހަރުގެ ހޯސްޓް ކަންޓްރީއަކީ ދިވެހިރާއްޖެއެވެ.
މިފެއަރގެ ތެރޭގައި ރާއްޖެ އިޝްތިހާރުކުރުމަށް ގިނަ ކަންތައްތަކެއް ވަނީ ރާވާފައެވެ.
މިއަހަރުގެ ފެއާރގައި ރާއްޖެ އިޝްތިހާރުކުރުމަށް މީގެ ކުރިން މަސައްކަތްކޮށްފައި ނުވާ
މިންވަރަށް މަސައްކަތްކުރަން ހަމަޖެހިފައިވާކަމަށް އެމްއެމްޕީއާރުސީން ބުނެއެވެ.
އެގޮތުން މީގެ ކުރިން އަހަރުތަކުގައި އައިޓީބީ ފެއާރގައި ރާއްޖެއަށް ލިބޭ
ސްޓޭންޑްގެ ބޮޑުމިނަކީ 405 ސްކެއާރ މީޓަރުކަމަށާއި ނަމަވެސް މިފަހަރު ރާއްޖެއަކީ ހޮސްޓް
ކަރަންޓްރީއަށް ވުމުން 600 ސްކެއަރ މީޓަރު ލިބިފައިވާކަމަށް އެމްއެމްޕީއާރުސީން މައުލޫމާތުދެއެވެ.
މީގެ އިތުރުން އެޑްވެންޗަރ ޓްއަރިޒަމް ސްޓޭންޑެއްވެސް މިއަހަރުގެ އައިޓީބީ
ފެއަރތެރޭގައި ހުންނާނެކަމަށް އެމްއެމްޕީއާރުސީން މައުލޫމާތުދެއެވެ.
އެމް.އެމް.ޕީ.އާރު.ސީން
ރޭ ވަނީ އައިޓީބީގައި ބައިވެރިވާ ފަރާތްތަކަށް ދަތުރާބެހޭ މައުލޫމާތު
ހިއްސާކުރުމަށް ބައްދަލުވުމެއް ބާއްވާފައެވެ.