އެސްޓީއޯ ނިޕޯން ރަމަޟާން ބާޒާރާއި މަކިޓާ ޝޯރޫމް ރަމަޟާން ބާޒާރު ފަށައިފިއެވެ. މި ބާޒާރު ފަށާފައިވަނީ މިއަދުއެވެ. މި ޕްރޮމޯޝަން ފައްޓަވައިދެއްވީ ޖެނެރަލް މެނޭޖަރ، އެނަރޖީ އެންޑް ކޮންސްޓްރަކްޝަން ސޮލިއުޝަންސް، މުހައްމަދު އީމާން އެވެ.
މި ޕްރޮމޯޝަންއާއި ގުޅޭގޮތުން ވާހަކަދައްކަވަމުން އެސްޓީއޯގެ ޕަބްލިކް ރިލޭޝަންސް މެނޭޖަރ އަބްދުﷲ މުޙައްމަދު ވިދާޅުވީ، ނިޕޯން ރަމަޟާން ބާޒާރާއި މަކިޓާ ޝޯރޫމްގައި ރަމަޟާން ބާޒާރު ކުރިޔަށްދާނީ 1 ފެބްރުއަރީ އިން 29 އެޕްރީލްގެ ނިޔަލަށްކަމަށެވެ.
"އަޅުގަނޑުމެން މިއަދު ރަމަޟާން ބާޒާރު މިފެށީ މަކިޓާ ޝޯރޫމް އަދި ނިޕޯން ރަމަޟާން ބާޒާރު. 1 ފެބްރުއަރީން ފެށިގެން 31 އޭޕްރީލްގެ ނިޔަލަށް ކުރިއަށްދާނެ." އަބްދުﷲ ވިދާޅުވިއެވެ.
މި ބާޒާރުގައި މަކިޓާ ޝޯރޫމްއާއި އަދި ނިޕޯންގެ އުފެއްދުންތައް ގަނެގެން އަގުހުރި އިނާމުތަކެއް ލިބުމުގެ ފުރުސަތު ވަނީ ހުޅުވާލާފައެވެ. އެގޮތުން އެސްޓީއޯ ޕީޕަލްސް ޗޮއިސްއާއި، އެސްޓީއޯ މަކިޓާ ޝޯރޫމް އަދި ނިޕޯން ޝޯރޫމްއިން ކުރައްވާ ކޮންމެ 500 ރުފިޔާގެ ވިޔަފާރިއަކަށް ކޫޕަނެއް ލިބޭނެއެވެ.
އެސްޓީއޯ މަކިޓާ ޝޯރޫމްގެ ރަމަޟާން ބާޒާރުގެ ގްރޭންޑް ވިނަރ އަކަށް އެސްޓީއޯ ޕީޕަލްސް ޗޮއިސްއިން ވިހި ހާސް ރުފިޔާގެ އަގުހުރި މުދާ ލިބޭނެކަމަށް އެސްޓީއޯއިން ބުންޏެވެ. އަދި ނިޕޯން ރަމަޟާން ބާޒާރުގެ ގްރޭންޑް ވިނަރ އަކަށް ލިބިވަަޑައިގަންނަވާނީ އެސްޓީއޯ ޕީޕަލްސް ޗޮއިސްއިން ވިހި ހާސް ރުފިޔާގެ އަގުހުރި މުދަލެވެ.
އެސްޓީއޯ ޕީޕަލްސް ޗޮއިސްގައި ރަމަޟާން ބާޒާރު ފަށާފައިވަނީ މިމަހުގެ 23 ވަނަ ދުވަހުއެވެ.