ނ.ހޮޅުދޫ ސިއްޙީ މަރުކަޒަށް ޖާގަ އިތުރުކުރުމުގެ މަޝްރޫޢުގެ އެކްސްޓެންޝަން ޢިމާރާތުގައި ނުނިމި ހުރި މަސައްކަތްތައް ނިންމުމަށް ކޮންޓްރެކްޓަރާ މަސައްކަތް ހަވާލުކޮށްފިއެވެ.
ހެލްތް މިނިސްޓްރީއިން މި މަސައްކަތް ހަވާލުކޮށްފައިވަނީ ލައިކޯ ކޮންސްޓްރަކްޝަން ޕްރައިވެޓް ލިމިޓެޑާއެވެ. މި މަސައްކަތް އެ ކުންފުންޏާ ހަވާލުކޮށްފައިވަނީ 6 މަސް ދުވަހުގެ ތެރޭގައި ނިންމާގޮތަށެވެ. މިއީ 3.6 މިލިއަނަށްވުރެ ގިނަ ރުފިޔާގެ މަޝްރޫޢުއެކެވެ.
ނ. ހޮޅުދޫ ޞިއްޙީ މަރުކަޒުގެ އެކްސްޓެންޝަން ޢިމާރާތުގެ ނުނިމިހުރި މަސައްކަތް ކުރުމަށް
— Ministry of Health (@MoHmv) December 19, 2022
ލައިކޯ ކޮންސްޓްރަކްޝަން ޕްރައިވެޓް ލިމިޓެޑް އާއި އެކު އެއްބަސްވުމުގައި ސޮއިކުރުން pic.twitter.com/5N1c9zfax0
ސަރުކާރުން އަންނަނީ ރަށްރަށުގެ ޒަމާންވީ ސިއްޙީ މަރުކަޒުތައް މަރާމާތުކުތުމާއި، މަރުކަޒުތަކަށް ޖާގަ އިތުރުކުރުމުގެ ގިނަ މަސައްކަތްތަކެއް ކުރަމުންނެވެ.
މި ހިނގާ 2022ވަނަ އަހަރު، 60ރަށެއްގެ ސިއްޙީ މަރުކަޒު ޒަމާނީ ފެންވަރަށް ގެނައުމަށް އެކި މަޝްރޫޢުތައް ސަރުކާރުން ހިންގާފައިވެއެވެ. އަދި އަންނަ އަހަރުގެ ބަޖެޓުގައިވެސް ސިއްޙީ މަރުކަޒުތައް މަރާމާތުކުރުމުގެ ގިނަ މަސައްކަތްތަކެއް ވަނީ ހިމަނާފައެވެ.
އަންނަ އަހަރު 132 ރަށެއްގެ ސިއްޙީ ޚިދުމަތްދޭ މަރުކަޒުތައް އަޕްގްރޭޑްކުރުމަށް ހިމަނާ، އެކަމަށް 551 މިލިއަން ރުފިޔާގެ ބަޖެޓެއްވެސް ވަނީ ކަނޑައަޅާފައެވެ.