2020 ވަނަ އަހަރު އިޢުލާނުކުރީ ކެޓްރީނާ ކައިފްގެ ސުޕަރ ހިރޮއިން ފިލްމު "ސުޕަރ ސޯލްޖާ" ނެޓްފްލިކްސްއިން ދައްކާ ގޮތަށް ހަމަޖައްސައިފިއެވެ.
އަލީ އައްބާސް ޒަފަރު ޑައިރެކްޓުކުރާ މި ފިލްމު އިޢުލާނު ކުރި ނަމަވެސް އޭރު މަސައްކަތް ނުފެށުނީ ކޯވިޑުގެ ބަލިމަޑުކަމާއިހެދިއެވެ. ކެޓްރީނާ ކައިފް އާއި ފިލްމު އުފައްދާ އަލީ އައްބާސް ޒަފަރު ވަރަށް އަވަހަށް ގުޅިގެން ޕްރޮޖެކްޓެއް ހަދާނެއެވެ. އަދި ޓައިޓުލް ރޯލުން ކެޓްރީނާ ފެންނަ މި ފިލްމު ކެޓްރީނާގެ އެހެން މަސައްކަތްތައް ނިމުނުހާ އަވަހަކަށް ފަށަންވެސް ވަނީ ހަމަޖެހިފައެވެ. މި ފިލްމު ޔަޤީނުންވެސް އުފައްދާނެ ކަމަށް އަލީ ވަނީ ބުނެފައެވެ.
ކެޓްރީނާގެ ކުރިއަށްހުރި ފިލްމުތަކުގެ ތެރެއިން އެންމެ އަވަހަށް ފެންނާނީ އަންނަ ނޮވެމްބަރު ރިލީޒްކުރަން ހަމަޖެހިފައިވާ ބިރުވެރި ކޮމެޑީ ފިލްމު "ފޯން ބޫތް" އެވެ. މި ފިލްމުގައި ކެޓްރީނާއާއިއެކު ސިދާންތް ޗަކުރުވެދީ އަދި އިޝަން ޓައްކަރުވެސް ފެންނާނެއެވެ.
ޝްރީރާމް ރާޣަވާންގެ "މެރީ ކްރިސްމަސް" އަކީވެސް ކެޓްރީނާ ވިޖޭ ސެތޫޕަތީ އާއެކު ފެންނަ ފިލްމެކެވެ. އަދި ސަލްމާން ޚާނާއި އިމްރާން ހާޝީމީއާއިއެކު ފެންނަ "ޓައިގާ 3" އަކީވެސް ކެޓްރީނާގެ އަދި ރިލީޒްނުވެ އޮތް ފިލްމެކެވެ.
މީގެއިތުރުން ޕްރިޔަންކާ ޗޯޕްޅާ އާއި އާލިއާ ބަޓް އާއެކު ފެންނަ ފަރުހާން އަޚްތަރުގެ "ޖީ ލޭ ޒަރާ" އަކީވެސް ކެޓްރީނާ ސޮއިކޮށް އަދި މަސައްކަތް ނުފަށައި އޮތް ފިލްމެކެވެ.