ވޯނާ ބްރަދާސްއިން ދެން އެންމެ އަވަހަށް މަސައްކަތް ފަށާނީ ހޮލީވުޑް ތަރި ކިއާނޫ ރީވްސްގެ އިތުރު ފިލްމެއްގެ މަސައްކަތެވެ.
އެއީ ބެލުންތެރިންގެ ވަރަށް ބޮޑު މަޤުބޫލުކަމެއް ހޯދި ރީވްސްގެ ސުޕަހީރޯ ހޮރޯ ފިލްމު "ކޮންސްޓެންޓައިން" ގެ ސީކްއެލްއެވެ.
ކިއާނޫއާ އެކީ ދެވަނަ ބައިވެސް ޑައިރެކްޓްކުރާނީ ފުރަތަމަ ބައި ވެސް ގެނެސްދިން ފްރާންސިސް ލޯރެންސެވެ. ހުނަރުވެރި ޑައިރެކްޓަރަކީ ބެލުންތެރިންގެ މެދުގައި ވަރަށް މަޤުބޫލުވި "ހަންގާ ގޭމްސް" ފިލްމު ސީރީޒްގެ ވެސް ޑައިރެކްޓަރެވެ.
ގާތްގަނޑަކަށް 100 މިލިއަން އެމެރިކާ ޑޮލަރުގެ ބަޖެޓަކުން ހެދި "ކޮންސްޓެންޓައިން" އަކީ ބޮކްސް އޮފީހުގައި 230.9 މިލިއަން އެމެރިކާ ޑޮލަރުގެ އާމްދަނީއެއް ހޯދި ފިލްމެކެވެ. އޭގެ ކާސްޓްގައި ރެޗެކް ވެއިޒް، ޝިއާ، ލިބިއޯފް އަދި ޓިލްޑާ ސްވިންޓަން ފަދަ ތަރިން ހިމެނެއެވެ.
މީގެ ސްކްރިޕްޓު ލިޔަނީ އަކިވާ ގޯލްޑްސްމަންއެވެ. އަދި ވީޑް ރޯޑް ޕިކްޗާސް މެދުވެރިކޮށް މީތި ޕްރޮޑިއުސް ކުރަނީވެސް އަކިވާއެވެ.
އުމުރުން 58 އަހަރުގެ ކިޔާނޫ އެންމެ ފަހުން ފެނިފައި ވަނީ މިދިޔަ އަހަރުގެ ޑިސެމްބަރުގައި ރިލީޒްކުރި "މެޓްރިކްސް ރިސަރެކްޝަންސް" އިންނެވެ.