"އޭކް ވިލްން ރިޓާން" އިން އެންމެ ފަހުން ފެނުނު ބޮލީވުޑް ތަރި ޖޯން އަބްރްހަމް އާއި "އޭކް ވިލަން" ގެ ތަރި ރިތޭޝް ދޭޝްކުމް އާއިއެކު އައު ފިލްމަކުން ފެންނަން ތައްޔާރުވެއްޖެއެވެ.
މި ދެ ތަރިންގެ މިފަހަރުގެ ފިލްމަކީ "ހައުސްފުލް" ގެ ފުރަތަމަ ދެ ބަޔާއި އެނޫންވެސް ކޮމެޑީ ފިލްމުތައް ބެލުންތެރިންނަށް ގެނެސްދިން ޑައިރެކްޓަރު ސާޖިދު ޚާން "%100" އެވެ.
ރިތޭޝް އާއި ޖޯން ގެ އިތުރުން މި ފިލްމުގެ ލީޑިން ބަތަލާއިންނަކީ ނޯރާ ފަތޭހީ އާއި ރިއަލިޓީ ޝޯވ "ބިގް ބޮސް" އިން މަޝްހޫރުކަން ޝެހެނާޒް ގިލްއެވެ.
A roller coaster comedy packed with action, music and SPIES! We guarantee you a #100Percent entertainer!! ?
— John Abraham (@TheJohnAbraham) August 29, 2022
Diwali 2023 just got bigger!! Are you ready?? ? pic.twitter.com/4HR7dW8WAH
ބޫޝަން ކުމާރުގެ ޓީސީރީޒްއާއި އަމަރު ބުޓާލާ ޕްރޮޑިއުސް ކުރުމަށް ހަމަޖެހިފައިވާ މި ފިލްމަކީ ފެމިލީ އެންޓަޓެއިންމަންޓު ފިލްމެކެވެ. ބެލުންތެރިންނަށް "%100" ގެނެސްދޭން ހަމަޖެހިފައި ވަނީ އަންނަ އަހަރުގެ ނޮވެމްބަރު މަހުގެ ތެރޭގައެވެ.
2007 ވަނަ އަހަރު ރިލީޒްކުރި "ހޭ ބޭބީ" އިން ޑައިރެކްޝަނަށް ނިކުތް ސާޖިދު އެންމެ ފަހުން ޑައިރެކްޓްކުރި ފިލްމަކީ 2014 ވަނަ އަހަރު ދެއްކި "ހަމްޝަކަލްސް" އެވެ.