ރަންބީރު ކަޕޫރުގެ ކުރިއަށްއޮތް ފިލްމް "ޝަމްޝޭރާ"ގެ ޕޯސްޓަރު ލީކްކޮށްލުމާއެކު ގިނަ ބަޔަކަށް އަޅައިގަތީ، އޭނާގެ ސިފައަށް ގެނެސްފައިވާ ބަދަލެވެ.
ސަންޖޭ ދަތު ނުބައި ބައި ރޯލުން ފެންނަ ފިލްމު "ޝަމްޝޭރާ" ގެ ޕޯސްޓަރު ލީކުވެފައިވާއިރު، ރަންބީރުގެ އައު ފެނިލުމާމެދު އޭނާގެ ފޭނުން ތިބީ ވަރަށް ހިތްހަމަޖެހިފައެވެ.
ޔާޝް ރާޖް ފިލްމްސް (ވައިއާރްއެފް) އިން އުފައްދާ ރަންބީރު ކަޕޫރް ޓައިޓްލް ރޯލް ކުޅޭ ޕީރިއަޑް އެކްޝަން އެޑްވެންޗަ ފިލްމް "ޝަމްޝޭރާ" ގެ ޕޯސްޓަރު ލީކުވުމުން ފިލްމުގެ ޕްރޮމޯޝަން ކަންތައްތައް ޕްރޮޑަކްޝަން ޓީމުން ރާވާއިފައި އޮތް ގޮތަށް ބުރޫ އަރާނެއެވެ.
މި ޕޯސްޓަރުގައި ރަންވީރު ފެންނަނީ ވަރަށް ތަފާތު ގޮތަކަށެވެ. ރަންބީރުކަން ވަކި ކުރަންވެސް އުދަނގޫ މީގައި ރަންބީރު ހުންނަނީ ވަރަށް ބޮޑު ތުނބުޅިއެއް ލާފައެވެ. މީގައި ރަންބީރު ކުޅެނީ ފޭރޭ މީހެއްގެ ރޯލެވެ.
އަގްނީޕަތު" ގެ ރިމެކިން ގެނެސްދިން ކަރަން މަލްއުތުރާ ޑައިރެކްޓް ކުރާ "ޝަމްޝޭރާ" ގެ ބަޠަލާ އަކީ ވާނީ ކަޕޫރެވެ. ވާނީ މި ރޯލަށް ނެގީ ފިލްމުގެ މި ކެރެކްޓާއަށް ވާނީ ވަރަށް ބޮޑަށް ފިޓްވާތީ ކަމުގައި ވައިއާރްއެފް އިން މީގެކުރިން ވަނީ ބުނެފައެވެ. މިއީ ރަންބީރާއި ވާނީ އެކުގައި ކުޅޭ ފުރަތަމަ ފިލްމެވެ.
ވައިއާރްއެފް އިން އަދިތްޔާ ޗޯޕްޅާ ޕްރޮޑިއުސްކުރާ މި ފިލްމު ސިނަމާތަކުގައި އަޅުވަން ތާވަލުކޮށްފައިވަނީ އަންނަ ޖުލައި މަހުގެ 22 ވަނަ ދުވަހުއެވެ. އަންނަ މަހު 24 ގައި މީގެ ޓްރެއިލާވެސް ބަލާލަން ލިބޭނެއެވެ.