ނެޓްފްލިކްސްގެ ކުރިއަށް އޮތް ބަޔޯގްރޮފިކަލް ފިލްމު "މައިސްޓްރޯ" ގައި "ބެޓްލް އޮފް ދަ ޓެކްސަސް" ، "ރެންޓް" އަދި "ޑޯންޓް ލުކް އަޕް"ގެ ތަރި ސާރާ ސިލްވާމޭން ހިމެނިއްޖެއެވެ.
ސާރާ އަކީ މީގެ ކާސްޓަށް އެންމެ ފަހުން ނެގި ތަރިއެވެ. އެމެރިކާގެ މިޔުޒިކް ކޮމްޕޯސާ ލެނާޑް ބާންސްޓީންގެ މައްޗަށް އުފައްދާ މި ފިލްމުގެ ޑައިރެކްޓަރަކީ ބްރެޑްލީ ޗާލްސް ކޫޕާއެވެ. އަދި ފިލްމުގައި ހިމެނޭ އައިކޮނިކް ކޮމްޕޯސަރ ލެނާޑްގެ ރޯލުންވެސް ފެންނާނީ ބްރޭޑްލީ ކޫޕަރ އެވެ. ކޫޕަރއަކީ ޓެލެވިޒަން ސީރީޒް "ސެކްސް އެންޑް ދަ ސިޓީ" ، "ވެޓް ހޮޓް އެމެރިކަން ސަމާ" އަދި "އެމެރިކަން ސްނައިޕާ" ގެ ޑައިރެކްޓަރެވެ.
ސާރާގެ އިތުރުން ކެރީ މަލްގަން އާއި މެޓް ބޯމާވެސް މީގެ ކާސްޓުގައި ހިމެނެއެވެ.
"މައިސްޓްރޯ" ގައި ދައްކާނީ ލެނާޑްއާ އަންހެނުން ފަލީޝާގެ ލޯބީގެ ވާހަކަތަކެވެ. 1946 ވަނަ އަހަރު ޕާޓީއަކުން ދިމާވި މި ދެމީހުންގެ ކައިވެންޏަށް 30 އަހަރު ވީއިރު ތިން ކުދިން ލިބުނެވެ.
މީގައި ފަލީޝާގެ ރޯލުން ފެންނާނީ ކެރީ މަލްގަންއެވެ. ސާރާ ފެންނާނީ ލެނާޑްގެ ދައްތަގެ ރޯލުންނެވެ.
އަންނަ އަހަރު ނެޓްފްލިކްސް އިން ދައްކަން ހަމަޖެހިފައިވާ މި ފިލްމު މިހާރު އޮތީ ޕްރޮޑަކްޝަން މަސައްކަތުގައެވެ. މީގެ މަސައްކަތް ކޫޕާ ކޮށްފައިވަނީ ލެނާޑްގެ އާއިލާއާއި ގުޅިގެންނެވެ.