ކުނި އުކާލުމަށް ގެނައި ބަދަލަކީ ދިވެހިންނަށް ވަރަށް ބޮޑު ބަދަލެކެވެ. އަބަދުވެސް އެއްކޮށް، އެއްކޮތަޅަކަށް އަޅައި، ހުރިހާ ބާވަތެއްގެ ކުނި އެއްކޮށް އުކާލުމުގެ އާދައަށް އަޅުގަނޑުމެން ތިބީ ެެާދ. އާދަވެފައެވެ. އެހެން ބަދަލުތަކާއި އެއްގޮތަށް މި ބަދަލެއްވެސް އާދަވެލަން ވަގުތުކޮޅެއް ނަގާނެއެވެ.
އަލަށް ޢަމަލުކުރަން ފެށި އުސޫލުގައި ވަނީ ކުނިވާ ޒާތުގެ ކުންޏާއި، ޕްލާސްޓިކް ފުޅި އަދި އެހެނިހެން ހުރިހާ ބާވަތެއްގެ ކުނި ވަކިކޮށް އުކާލުމަށް ނެރުމަށެވެ.
ވަކިކޮށް ކުނި އުކާލުމުގެ ފުރަތަމަ ދުވަހުގެ ތަޖުރިބާއާއި ގުޅޭގޮތުން ވެމްކޯއިން ބުނެފައިވަނީ ވަރަށް ގިނަ ގެތަކުން ކުނި އުކާލުމުގައި މި ބަދަލަށް މަސައްކަތްކޮށްފައިވާކަން ފާހަގަކުރެވިފައިވާކަމަށެވެ. އަދި މިއީ އާއްމުންނަށް އަދި ވެމްކޯއަށްވެސް އާ ތަޖުރިބާއަކަށްވުމުން، މި ބަދަލަށް މުޅިން ފަރިތަވާން ވަގުތުކޮޅެއް ނަގާނެކަން ވެމްކޯއިންވެސް ދެކޭކަމަށެވެ.
The positive response shown by our customers tonight has surprised us completely. Our customers have repeatedly shown their willingness to partner with us by following our instructions. Team WAMCO applauds all customers who separated their waste tonight. @anuahsa @MoEnvmv pic.twitter.com/7ToMdK1PaM
— Waste Management Corporation Limited (WAMCO) (@WAMCOmv) June 1, 2022
ވެމްކޯއިން ވަނީ ބައެއް ގެތަކުން ކުނި ވަކިކޮށް ނެރުމުގައި ދީފައިވާ އެއްބާރުލުން ފާހަގަކޮށްފައެވެ. އެގޮތުން ކުނި ވަކިކޮށް، ކުނި ކަލެކްޓް ކުރާ މީހުންނަށް ފަސޭހަކުރުމަށް ކޮތަޅުގައި ލޭބަލްވެސް ޖަހާފައިވާކަމަށެވެ. އަދި ބައެއް ގެތަކުން ވަކި ބާވަތްތަކުގެ ކުންޏަށް ޑަސްބިން ބަހައްޓާ، ކުނި ވަކިކޮށްފައިވެއެވެ.
ބަދިގެ ކުނި ނުވަަތަ އޯގަނިކް ވޭސްޓްއަކީ ފަސޭހައިން ނައްތާލެވޭ އަދި ކޮންމެހެން ނައްތާލަން ޖެހޭ ބާވަތްތަކުގެ ކުންޏެވެ. ނަމަވެސް ޕްލާސްޓިކް ފަދަ ބާވަތްތަކަކީ ނައްތާލުމަށް ދިގު މުއްދަތެއް ނަގާ އަދި އޭގެ ގެއްލުން ތިމާވެއްޓަށް އިންތިހާއަށް ބޮޑު ބާވަތްތަކެވެ.
"ވަރަށް ޕޮޒިޓިވްކޮށް ރައްޔިތުންވަނީ މިކަން ބަލައިގަނެފަ. ފަސޭހައިން އިނގޭނެގޮތަށް ކުނި ވަކިކޮށް، ވަކިން ބަހައްޓާވެސް ހުރި. މީގެ ސަބަބުން ކުނި ނަގާ މުވައްޒަފުންނަށްވެސް ލުއިފަސޭހަވި." ވެމްކޯގެ ސީނިއަރ ޕަބްލިކް ރިލޭޝަންސް އޮފިސަރ އަޙުމަދު އާޒިމް ވިދާޅުވިއެވެ.
We thank all citizens for the excellent support you are giving to the efforts of waste segregation. We are seeing the very best practices of waste segregation by the People. Let's do this together. @WAMCOmv pic.twitter.com/7LjsKq6Q2G
— Min. of Environment, Climate Change and Technology (@MoEnvmv) June 1, 2022
ކުނި ވަކިކޮށްގެން އުކުމުގެ އެންމެ ބޮޑު ބޭނުމަކީ، ރައްކާތެރިގޮތުގައި އެކި ބާވަތްތަކުގެ ކުނި ނައްތާލުމެވެ. ކުނި ވަކިކޮށް ނެގުމުގައި ވެމްކޯގެ ޓިމްތައްވެސް ވަނީ ވަރަށް ބޮޑަށް ތައްޔާރުވެފައެވެ. އެގޮތުން ބޭނުންވާ ވަސީލަތްތައް ހޯދުމާއި، މުވައްޒަފުންނަށް ބޭނުންވާ އިރުޝާދުތައްވެސް ވަނީ ދީފައެވެ.
"އަޅުގަނޑުމެންވެސް ކުނި އުކާލާނީ ހުރިހާ ބާވަތެއް ވަކިން. ގޭގެއިން ކަލެކްޓް ކުރުމުގައިވެސް، ކުނި އުފުލުމުގައިވެސް، ތިލަފުއްޓަށް ގެންދިއުމުގައިވެސް. ކޮމްޕެކްޓަރ ވެހިކަލްއަށް އަޅާނީ ކުނިވާޒާތުގެ ކުނި. އެހެން ބާވަތްތައް ޖަންބޯ ގޯނީގައި ވަކިން ގެންދަނީ." އާޒިމް ވިދާޅުވިއެވެ.
މާލެ ސަރަޙައްދު ފިޔަވައި މީހުން ދިރިއުޅޭ އެހެން ރަށްރަށާއި ސިނާޢީ ރަށްރަށާއި ޓޫރިސްޓް ރިސޯޓްތަކުން މަޢުދަނާއި ބިއްލޫރީގެ ބާވަތްތަކުގެ ކުނި ނެރެންޖެހޭނީ ވަކިކޮށްގެންނެވެ.
ވެމްކޯއިންވަނީ ހުރިހާ ރައްޔިތުންވެސް މި ބަދަލަށް އަހުލުވެރިވެ، މި މަސައްކަތުގައި އެހީތެރިކަން ދިނުމަށް އެދިފައެވެ.